गीतकार भरत सिग्देलको स्वदेशगान सार्वजनिक

काठमाडौं

लामो समय शिक्षण पेशामा संलग्न साहित्यकार भरत सिग्देलको “मुटुभित्र सीमा दुख्छ” बोलको स्वदेशगान युट्युब मार्फत सार्वजनिक भएको छ।
सिग्देलको शब्द-रचना, लोकप्रिय सङ्गीतकार विकास चौधरीको सङ्गीत र युवा गायक विकास लिम्बुको स्वरमा रेकर्ड गरिएको गीतमा मनोज गजुरेल, उत्तम केसी, लय सङ्ग्रौला, रश्मी भट्ट, उदय सुब्बा, सुचित्रा श्रेष्ठ, सुवास मेचे लगायतका प्रतिष्ठित राष्ट्रिय कलाकारहरूले अभिनय गरेका छन् ।

देशको सिमाना मिचिँदाको पीडालाई शब्दमा उतारेर लेखिएको गीतले चन्द्रसूर्य अङ्कित राष्ट्रिय झण्डा, राष्ट्रिय फूल लालीगुराँस, शान्तिदूत गौतम बुद्धको जन्मभूमी लुम्बिनी, सर्वोच्च शिखर सगरमाथा तथा प्रसिद्ध तीर्थस्थल गोसाइँकुण्डबाट बहने पवित्र त्रिशुली नदी लगायतका राष्ट्रिय सम्पदाहरूको महिमा गाएको छ।
MP 2 N Creation नामक युटुब च्यानले बुधवार सार्वजनिक गरेको भिडियोको छायांकन नुवाकोट जिल्लाको त्रिशूली र तादीको सङ्गमस्थल देवीघाटस्थित पृथ्वीनारायण शाहको सालिक, नुवाकोटकै तारुका, काठमाडौ, लुम्बिनी लगायतका स्थानहरूमा गरिएको छ ।