काठमाडौं । राष्ट्रपति विद्यादेवी भण्डारीले नयाँ सरकार बनाउन दलहरुलाई दिएको समय सीमा आज सकिँदैछ । राष्ट्रपतिले सोमबार संविधानको धारा ७६ को उपधारा (२) अनुसार नयाँ सरकार गठन गर्न आव्हान गरेकी थिइन् । यो समयसीमा आज राति ९ बजे सकिने छ । तर, बिहीबार बिहानसम्म नयाँ सरकार गठनबारेको अलमल टुंगिएको छैन । खासगरी जनता समाजवादी पार्टीमा देखिएको दुई धारले विपक्षी मोर्चामा बहुमत नपुग्ने देखिएको छ ।
यसका लागि एमालेका सांसदले राजिनामा दिनुपर्ने हुन्छ । राजिनामाको चर्चा चलेपनि जसपाको निर्णय नआउँदा एमाले माधव नेपाल पक्ष पर्ख र हेरको अवस्थामा रहेको छ । नेपाली कांग्रेसले आफ्नो नेतृत्वमा सरकार गठन गर्न अग्रसरता देखाएको छ । जनता समाजवादी पार्टीको बुधबार बसेको पदाधिकारी बैठक विना निष्कर्ष सकिएपछि अझै अन्यौल बढेको हो ।