काठमाडौं । नेकपा एमालेको बागमती प्रदेशबाट राष्ट्रियसभामा रिक्त सदस्य पदको उपनिर्वाचन ६ जेठमा हुँदैछ । निर्वाचनमा दुबै उमेदवार एमालेका छन् । तर, एमालले भने रामबहादुर थापामगर ुबादलको पक्षमा मतदान गर्न ह्वीप जारी गरेको छ। एमालेका महासचिव ईश्वर पोखरेलले पार्टीको तर्फबाट आधिकारिक उम्मेदवारलाई मतदान गर्न निर्देशन दिएका छन् ।
उनले प्रदेशसभा सदस्य र स्थानीय तहका प्रमुख तथा उप्रमुखलाई पत्र लेख्दै यस्तो जानकारी गराएका हुन् । एमालेमा विवाद रहकै अवस्थामा कांग्रेस, माओवादी र एमाले माधव नेपाल समूहको तर्फबाट माधव कुमार नेपाल पक्षका नेता खिमलाल देवकोटा बादलको विपक्षमा उठेका छन् ।
उनले आफुले कुनै पनि हालतमा उमेदवारी फिर्ता नलिने बताएका छन् । निर्वाचन कार्यक्रमअन्तर्गत मिति २०७८ जेष्ठ ६ गते ०९.०० बजे देखि १५.०० बजेसम्म हेटौंडामा उपस्थित भई मतदान गर्नुपर्ने भएको छ । मतदातालाई कोरोना पिसिआर टेष्टको प्रमाण अनिवार्य लिएर आउन भनिएको छ ।
निर्वाचन आयोगका अनुसार निर्वाचनको दिन मतदान स्थल र मतदान केन्द्रमा प्रवेश गर्ने सबैले ७२ घण्टा अवधिभित्रको कोभिड १९ संक्रमण नेगेटिभ आएको पीसीआर रिपोर्ट ल्याउनु पर्छ । पोजेटिभ आएको भए छुट्टै मतदात केन्द्र बनाएर भोट हाल्ने व्यवस्था गरिने भएको छ ।