दाङ । लुम्बिनी प्रदेशमा राष्ट्रिय सभा उपनिर्वाचन आज हुँदैछ । माओवादीबाट सांसद बनेका एक जनालाई पार्टीले कारवाही गरेपछि रिक्त भएको राष्ट्रिय सभा सदस्य पदमा आज उपनिर्वाचन हुन लागेको हो । निर्वाचन आयोगका अनुसार दाङको घोराहीस्थित कर्मचारी मिलन केन्द्र परिसरमा बिहान ९ बजेदेखि अपरान्ह ३ बजेसम्म मतदान हुँदैछ ।
कोरोना संक्रमित भएका मतदाताले छुट्टै लाइनमा बसी भोट हाल्न सक्ने छन् । राष्ट्रिय सभा उपनिर्वाचनमा लुम्बिनी प्रदेश सभा सदस्य, स्थानीय तहका प्रमुख तथा उपप्रमुख मतदाता हुनेछन् । मतपरिणाम समेत साँझसम्म आइसक्ने बताइएको छ । यहाँ नेकपा माओवादी केन्द्रबाट २०७४ सालमा निर्वाचित राष्ट्रिय सभा सदस्य चन्द्रबहादुर खड्का नेकपा एमाले गएपछि पार्टीले उनलाई कारवाही गरेको हो ।
यहाँ नेकपा एमालेले खड्कालाई नै उम्मेदवार बनाएको छ। उनलाई जसपाको महन्थ ठाकुर पक्षको समर्थन छ । विपक्षी गठबन्धनबाट नेपाली कांग्रेसका उम्मेदवार दृगनाराय पाण्डे उठेका छन् ।
उनलाई नेकपा माओवादी केन्द्र, जनता समाजवादीको उपेन्द्र यादव पक्ष, राष्ट्रिय जनमोर्चा र नेकपा एमालेको माधवकुमार नेपाल पक्षले समर्थन गरेका छन्। उनी हालै नेकपा एमाले छाडेर नेपाली कांग्रेस प्रवेश गरेका उमेदवार हुने । बागमतिमा जस्तै लुिम्बनीमा पनि माधवकुमार नेपाल पक्षले कहाँ भोट दिन्छन् भन्ने विषय भने चासोका साथ हेरिएको छ ।