काठमाडौं । सरकारले घोषणा गरेको मध्यावधी निर्वाचनको निर्णयविरुद्ध अहिले सर्वोच्च अदालतमा मुद्दा विचाराधिन रहेको छ । उता, निर्वाचन आयोगले भने निर्वाचन प्रयोजनका लागि राजनीतिक दल दर्ता गर्न समय दिने निर्णय गर्दै तालीका निकालेको छ । निर्वाचन आयोगले सोमबार निर्वाचन कार्यतालिका स्वीकृत गरेको छ । यस अनुसार असार ३१ गतेदेखि साउन १५ गतेसम्म दल दर्ताको समेत तोकिएको छ ।
सरकारको सिफारिसमा राष्ट्रपतिले प्रतिनिधि सभा विघटन गर्दै जेठ ८ मा निर्वाचन घोषणा गरेकी हुन् । निर्वाचन कात्तिक २६ र मंसिर ३ मा तोकिएको छ । आयोगले भने आफ्नो तर्फबाट निर्वाचनको तयारीका काम गरिरहेको बताएको छ । सो प्रयोजनका लागि अर्थ मन्त्रालयले ७ अर्ब रुपैयाँ स्रोत सुनिश्चितता दिइएको छ ।