कपाल काटेर खोलामा नुहाउन पसेका तीन किशोरको डुबेर मृत्यु

बाँके । बाँकेमा कपाल काटिसकेपछि खोलामा नुहाउन पसेका तीन किशोरको खेलामा डुबेर ज्यान गएको छ । प्रहरीका अनुसार कोहलपुर नगरपालिका वडा नम्बर १० चटारमा रहेको डुडुवा खोलाको बाँधमा डुबेर तीन किशोरको ज्यान गएको हो । घटना बुधबारको हो । ज्यान गुमाउनेमा नेपालगञ्ज उपमहानगरपालिका वडा नम्बर ११ का १७ वर्षीय आरिफ जसगर, अरमान जसगर र १८ वर्षीय रासिद जसगर छन् । साथिहरु मिलेर कपाल काटेपछि उनीहरु नुहाउन पसेका थिए । पौडी खेल्ने क्रममा तीन जना बेपत्ता भएको खबर प्रहरीलाई पुगेको थियो । त्यसपछि भएको खोजीमा उनीहरुको शव भेटिएको हो । थप दुई जनालाई भने सकुसल उद्धार गरिएको छ ।