जंगली च्याउ खाँदा इलाममा बाबुछोराको मृत्यु

इलाम । इलाममा जंगली च्याउ खाएका बाबुछोराको मृत्यु भएको छ । जिल्लाको फाकफोकथुममा जङ्गली च्याउ सेवनबाटबाबु–छोराको ज्यान गएको प्रहरीले जनाएको छ । ज्यान गुमाउनेमा फाकफोकथुम–१ का ५१ वर्षीय लेखबहादुर लिम्बु र उनका छोरा १२ वर्षीय दिवस लिम्बु छन् । जिल्ला प्रहरी कार्यालय इलामका अनुसार गत साउन ३ मा घर नजिकैको जङ्गलबाट ल्याएको च्याउको तरकारी खाँदा उनीहरु बिरामी परेका थिए । दुवै जनालाई उपचारका लागि विराटनगरमा रहेको नोबेल अस्पताल भर्ना गरिएको थियो । उपचारकै क्रममा दुवै जनाको अस्पतालमा ज्यान गएको हो । नेपालमा जंगली च्याउ सेवनबाट वर्षेनी ठूलो संख्यामा मानिसहरुले ज्यान गुमाउने गरेका छन् ।