ललितपुरमा बाढीले बगाउँदा एक जनाको मृत्यु, एक वेपत्ता

ललितपुर । दक्षिण ललितपुरस्थित बाग्मती गाउँपालिका ६ आश्राङ र वडा नं ७ गिम्दीको सङ्गमस्थल शुभाने खोलाले बगाउँदा एक जनाको मृत्यु भएको छ । एक जना वेपत्ता छन् । प्रहरीका अनुसार बाढीले बगाउँदा स्थानीय ४० वर्षीया सञ्जु सिङतानको मृत्यु भएको हो । उनीसँगै रहेकी करीव आठ वर्षीया बालिका बेपत्ता छिन् । उनको पहिचान खुलिसकेको छैन । घटना शुक्रबार साढे ४ बजेतिरको हो । खोला तर्ने क्रममा उनीहरुलाई खोलाएको बगाएको प्रहीले जनाएको छ । बालिकाको खोजी भइरहेको छ ।