काठमाडौंं । काठमाडौंको बूढानीलकण्ठ नगरपालिका वडा नम्बर १३ कपनबाट एक बालक वेपत्ता भएका छन् । प्रहरीका अनुसार भारतको बिहार घर भई कपनको टहरामा बस्दै आएका विनोद शर्माका ४ वर्षीय छोरा पियुस सम्पर्कविहीन भएका हुन् । बालक सोमबार साँझ चार बजेदेखि सम्पर्कविहीन भएको प्रहरीले जनाएको छ ।
मंगलबारसम्म पनि बालक सम्पर्कमा नआएपछि परिवारले प्रहरीको कन्ट्रोल नम्बरमा सम्पर्क गरेको बताइएको छ । बालक आफ्नै बुवाका छिमेकी साथी शंकर दाससँग गएको देखिएको खबर आएको प्रहरीले बताएको छ । तर, अहिलेसम्म सम्पर्कमा नआएपछि प्रहरीमा खबर पुगेको हो । विनोद र शंकर दुबै जना सँगै शिशाको काम गर्ने साथी भएको समेत प्रहरीको भनाई छ ।