गोकर्णेश्वरमा ट्याङ्करले स्कुटरलाई ठक्कर दिँदा बुबाको मृत्यु, छोरी घाइते

काठमाडौं । गोकर्णेश्वर नगरपालिका ५ जोरपाटीस्थित सडकमा ट्याङ्करले स्कुटरलाई ठक्कर दिँदा एक जनाको मृत्यु भएको छ। प्रहरीका अनुसार मृत्यु हुनेमा गोकर्णेश्वर नगरपालिका ४ माकलबारीका ४४ वर्षीय गंगाराज राई छन्। मंगलबार बिहान बा२ख १३८ नम्बरको ट्याङकरले बा६३प ६२०४ नम्बरको स्कुटरलाई ठक्कर दिएको थियो । दुर्घटनामा गम्भीर घाइते भएका उनको ओम अस्पताल चाबहिलमा उपचारको क्रममा मृत्यु भएको प्रहरीले जनाएको छ । दुर्घटनामा घाइते भएकी स्कुटरमा सवार उनकी १९ वर्षीया छोरी सुस्मा राईको भने उपचार जारी छ । ट्याङकर चालकलाई प्रहरीले नियन्त्रणमा लिएको समेत जानकारी गराएको छ ।