जाजरकोट । जाजरकोटमा ट्याक्टर दुर्घटनामा परी तीन जनाको मृत्यु भएको छ । जिल्लाको नलगाडमा गत राति ट्याक्टर दुर्घटना परेको प्रहरीले जनाएको छ । तीनै जनाको घटना स्थलमै मत्यु भएको हो ।
नलगाड नगरपालिका ५ कालीमाटी बजारबाट सामान लिएर बारेकोट गाउँपालिका तर्फ गइरहेको ट्याक्टर नलगाड – ५ पोखरागाउँ नजिकैको रातको १ बजे झुल्के डाँडामा दुर्घटनामा परेको हो । मृत्यु हुनेमा नलगाड नगरपालिका – ५ पारीगाउँका ६० वर्षीय दल वहादुर खत्री, ३२ वर्षीय सुरेस खत्री र गाडिचालक नलगाड –७ दल्लीका २५ वर्षिय चंखलाल विक छन् ।
सडक वाट करीव ५ सय मिटरको दुरीमा तीन जनाको शव फेला परेको थियो । प्रहरीका अनुसार मृतक दलवहादुर र सुरेस बाबुछोरा हुन् । ट्याक्टरका सह चालक नलगाड– ७ वगाराका १७ विनोद परियार गम्भीर घाइते छन् । उनको प्राथमिक स्वास्थ्य केन्द्र दल्लीमा उपचार जारी छ ।