काठमाडौं । पाटनको मंगलबजारमा आगलागी हुँदा एकैपरिवारका चार जनाको मृत्यु भएको प्रहरीले पुष्टि गरेको छ । स्थानीय संचारमाध्यमहरुका अनुसार शुक्रबार साँझ आगलागी हुँदा एकैपरिवारका चार जनाको मृत्यु भएको हो । महानगरीय प्रहरी कार्यालय, रानीपोखरीका अनुसार मृत्यु हुनेमा लक्ष्मीकृष्ण ताम्राकार, उनकी छोरी अञ्जना ताम्राकार, बुहारी रञ्जना ताम्राकार र नाती निर्जल ताम्रकार छन् । प्रहरी र स्थानीयले पाँच जनाको उद्दार गरेका छन् । दुई जनाको पाटन अस्पतालमा उपचार भइरहेको छ ।
म्ह पुजाका लागि बालिएको दियोबाट आगो सल्किएको र त्यसपछि ग्यास सिलिन्डर पड्किएर घटना भएको प्रहरीको अनुमान छ । घटना बारे प्रहरीले अनुसन्धान थालेको बताएको छ ।