कोलोराडो
अन्तर्राष्ट्रिय नेपाली साहित्य समाज (अनेसास) कोलोराडो शाखाद्वारा नोभम्बर १३ तारिख (२०७८ कार्तिक २७ गते) शनिवार दिन कोरोनाका कारण भौतिक उपस्थितिमा कार्यक्रम गर्न संभब नभएका कारण अनलाइन जूम मार्फत महाकवि लक्ष्मीप्रसाद देवकोटाको ११३औं र आख्यानकार रमेश विकलको ९४औं जन्मजयन्ती मनाएर नेपाली साहित्यका दुई नक्षत्रको स्मरण गरियो।
सो जन्मजयन्ती कार्यक्रममा अनेसास कोलोराडो शाखाका अध्यक्ष राजु सिटौलाले महाकबि देबकोटा र रमेश बिकलका बारेमा स्लाईड प्रदर्शन गरि उहाहरुको जीवनी बारे प्रकाश पार्नु भएको थियो।
सोही कार्यक्रममा महाकबि देबकोटाका कृतिहरु बारे साहित्यकार गोबर्धन पुजाले टिप्पणि गर्नुहुदै रमेश विकलका बारेमा पनि स्मरण गर्नुभएको थियो भने साहित्यकार पदम बिस्वकर्माले पनि देबकोटा र रमेश विकलका बारेमा स्मरण गर्नुभयो।
त्यसैगरी सो कार्यक्रममा नेपालबाट आउनुभएका साहित्यकार एवं पत्रकार महेन्द्र चालिसेले आख्यानकार रमेश विकलका बहु आयाम प्रतिभा, घरेलु जीवन, तथा उहांका राजनैतिक सामाजिक र जागिरका बारेमा अहिलेसम्म उल्लेख नभएका बिभन्न पाटाबारेमा पनि प्रकाश पार्नु भएको थियो।
उक्त कार्यक्रमका अधिकांश सहभागीहरुले बिदेशमा बसेर नेपाली भाषा र साहित्यको बिकासमा अनेसासले गरेको योगदानको सराहना गर्नुहुदै देबकोटा र रमेश विकलका बारेमा स्मरण गर्नुभयो।
कार्यक्रमको अन्त्यमा अनेसास कोलोराडो शाखाका अध्यक्ष राजु सिटौलाले यस अघि कोलोराडोमा भानु जयन्ती र देबकोटा जयन्ती मात्र मनाउने परम्परा रहेकोमा यस बर्ष देखि नेपाली साहित्यका यसश्वी साधक रमेश विकलको जन्मजयन्ती मनाउन पाउदा अनेसास कोलोराडो च्याप्टरले आफुलाई गौरवान्वित ठानेको छ भन्नुभयो।
दुई चरणमा संचालन भएको सो कार्यक्रम पहिलो चरणमा श्रष्टा द्वयको जीवनी र वहाँहरुको कृतिहरुको चर्चाको साथै साहित्यिक रचनाहरुको वाचन गरियो भने दोस्रो चरणमा अनेसास, कोलोराडो शाखाको बार्षिक साधारण सभा सम्पन्न गरियो।
