सूर्यविनायकमा टिपरको ठक्करबाट स्कुटर चालकको मृत्यु

भक्तपुर । भक्तपुरमा टिपरको ठक्करबाट एक स्कुटर चालकको मृत्यु भएको छ । प्रहरीका अनुसार सूर्यविनायक नगरपालिका ८ आदर्श चोकमा टिपरको ठक्करबाट स्कुटर चालकको ज्यान गएको हो । दुर्घटनामा एक जना घाइते भएका छन् । बा ३ ख ५४२३ नम्बरको टिपरले बा ५७ प ३११३ नम्बरको स्कुटरलाई ठक्कर दिँदा स्कुटर चालक धनकुटा घर भइ ललितपुरको कुसुन्ती बस्दै आएका २४ वर्षका असिम लिम्बुको ज्यान गएको प्रहरीको भनाई छ । स्कुटरको पछाडि रहेका ललितपुर पाटनका २६ वर्षका सन्दीप महर्जन घाइते छन् ।