काठमाडौं । राष्ट्रिय प्रजातन्त्र पार्टी नेपाल (राप्रपा) को महाधिवेशन आजबाट काठमाडौंमा हुँदैछ । कमल थापा, पशुपतिशम्शेर जबरा र डाक्टर प्रकाशचन्द्र लोहनी नेतृत्वले नेतृत्व गरेका तीन वटा घटकबीचको एकीकरण पछि पहिलो पटक महाधिवेशन हुन लागेको हो । महाधिवेशनले आगामी नेतृत्व चयन गर्नेछ । महाधिवेशनबाट राप्रपाको नयाँ नेतृत्व चयन गर्न करीव ४ हजार प्रतिनिधि काठमाडौं आएका छन् ।
महाधिवेशन १७ गतेसम्म चल्नेछ । राप्रपामा १९९ सदस्यीय कार्य समिति रहेको छ । अध्यक्षसहित १४७ जना प्रत्यक्ष निर्वाचित र २५ प्रतिशत अर्थात् ५२ जना निर्वाचित कार्य समितिले मनोनित गर्ने प्रवाधान छ । राप्रपाको नेतृत्वमा यस पटक राजेन्द्रप्रसाद लिङ्देन र कमल थापा उठ्दैछन् ।