काठमाडौं । राष्ट्रिय प्रजातन्त्र पार्टीको नयाँ नेतृत्वका लागि आजबाट चुनावी प्रक्रिया थालिँदैछ । अध्यक्ष पदका लागि कमल थापा र राजेन्द्र लिङ्देन उठेका छन् । एकता महाधिवेशन नाम दिइएको राप्रपाको महाधिवेशन बुधबारबाट भृकुटीमण्डपमा शुरु भएको हो । भृकुटीमण्डपमा महाधिवेशनको बन्दसत्र बुधबार नै सुरु भइसकेको छ ।
डा. प्रकाशचन्द्र लोहनी, पद्मसुन्दर लावतीलगायत नेताहरू लिङ्देनको पक्षमा छन् । राप्रपामा अध्यक्षको उम्मेदवारी घोषणा भए पनि त्यसपछिका पदाधिकारीबारे भने अझै टुंगो लागेको छैन। निर्वाचन समितिको कार्यतालिका अनुसार बिहीबार सवा ९ बजेसम्म उम्मेदवारी दर्ताको समय राखिएको छ। उम्मेदवारको प्रथम नामावली दिउँसो २ बजे प्रकाशित गरिने छ।
उम्मेदवारीमाथि दाबी विरोध र फिर्ताको समय दिउँसो साढे दुई बजेसम्म तोकिएको छ। अपराह्न ५ बजे उम्मेदवारको अन्तिम नामावली प्रकाशन गरेपछि बिहीबारको कार्यक्रम सम्पन्न हुने कार्यक्रम छ । शुक्रबार बिहान ७ देखि अपरान्ह ५ बजेसम्म मतदान हुने छ ।