काठमाडौं । कांग्रेसको नयाँ नेतृत्वका लागि भएको मतदान सकिएको छ । दोस्रो चरणमा भएको मतदान भर्खरै सकिएको हो । निर्वाचन समितिका अनुसार कुल ४७४३ मतदाता रहेकोमा ४५६२ ले भोट खसालेका छन् । यो पहिलो चरणमा खसेको मतको तुलनामा भने कम हो । पहिलो चरणमा ४६८१ मत खसेको थियो ।
पहिलो चरणमा चार जना सभापतिका लागि लडेका थिए । उनीहरुमध्ये कसैले पनि ५० प्रतिशत मत कटाउन नसकेपछि दोस्रो चरणमा प्रवेश गरेको हो । यस चरणमा शेर बहादुर देउवा र शेखर कोइरालाबीच भिडन्त भएको छ । आजै राती मतगणना गर्ने तयारी छ ।