भैरहवा । वरिष्ठ प्रहरी उपरीक्षक (एसएसपी) सन्तोषकुमार यादवले आत्महत्या गरेका छन् । उनलाई संघीय इकाई कार्यालय भैरहवाको सरकारी आवासमै झुण्डिएको अवस्थामा शुक्रबार मृत फेला पारिएको हो । प्रहरीले उनले आत्महत्या गरेको पुष्टी गरेको छ । संगठनले यसबारे अनुसन्धान थालेको समेत जनाएको छ । उनी सोही कार्यालयमा कार्यरत थिए ।
२०४९ सालमा सेवा प्रवेश गरेका यादव ५५ वर्षे उमेर हदका कारण आगामी माघ १५ मा अनिवार्य अवकाश पाउँदै थिए । यस अवस्थामा उनले रोजेको आत्महत्याको बाटोले प्रहरी प्रशासनतर्फ भने अनेक प्रश्न सोझिएका छन् । स्थानीय संचारमाध्यमले भने प्रहरी प्रधान कार्यालयले उनीमाथि कारवाहीको तयारी गरिरहेको सार्वजनिक गरेका छन् । अपहरण तथा शरीर बन्धक मुद्दाका अभियुक्तलाई उन्मुक्ति दिएको अभियोग उनी सहित २० जना प्रहरी अधिकृतमाथि लागेको सरकारी संचारमाध्यम गोरखापत्रले लेखेको छ।
केही संचारमाध्यमले भने बढुवामा निकै हेपिएका उनी केही दिनदेखि निरास रहेको लेखेका छन् । उनी केही दिन अगाडी बेहोस भई ढलेको र डाक्टरले डिप्रसनको औषधी दिएको समेत संचारमाध्यमहरुले स्रोतलाई उदृत गर्दै लेखेका छन् । आजै उनकी धर्मपत्नीले सत्यको जित हुने भन्दै फेसबुक स्टाटस लेखेकी थिइन् ।