काठमाडौं । पशुपतिनाथ मन्दिर परिसरमा पाकेटमार गर्ने एक महिलासहित दुई जना पक्राउ परेका छन् । गेष्ट हाउसमा बसेर पशुपतिनाथ मन्दिर परिसरमा पकेटमार धन्दा धलाइरहेका उनीहरलाई प्रहरीले शनिबार पक्राउ गरेको हो । प्रहरीले सार्वजसिनक गरेको विवरण अनुसार २६ वर्षका गोपाल अग्रवाल र १८ वर्षकी मुस्कान गुप्तालाई प्रहरीले पक्राउ गरेको छ।
उनीहरू भारतीय नागरिक हुन्। पक्राउ परेकाहरूसँग सोधपुछ गर्दा यसअघि मनकामना र पोखरालगायत ठाउँमा बसेर पनि पाकेटमार गर्ने गरेको खुलेको छ । पशुपतिनाथ परिसरभित्र पाकेटमार गर्ने र जयबागेश्वरीस्थित सित्तला गेस्ट हाउसमा बस्ने गरेको समेत प्रहरीले जनाएको छ ।
गेष्ट हाउसको कोठाबाट विभिन्न ब्राण्डका मोबाइललगायत सामान बरामद भएको छ । प्रहरीले उनीहरूलाई थप अनुसन्धानका लागि गौशाला प्रहरीमा राखेको समेत जनाएको छ । उनीहरूको साथबाट आइफोनसहित ५ थान मोबाइल र ४२ हजार ४२ हजार नगद समेत बरामद भएको छ ।