सोलुखुम्बु । सोलुखुम्बुको थुलुङ दूधकोशी गाउँपालिका ३ पन्चनस्थित ८६ मेगावाटको सोलु खोला दूधकोशी हाइड्रोपावरमा पाइप पड्किँदा दुई जना कामदारको मृत्यु भएको छ । घटनामा एक जना घाइते भएको प्रहरीले जनाएको छ । स्थानीय संचारमाध्यमहरुका अनुसार घटना आइतबार दिउँसो ३ बजेतिर भएको हो ।
फलामको पाइपमा पानी हालेर परीक्षण गर्ने क्रममा पाइप पड्किएको हो । घटनामा हाइड्रोपावरमा काम गर्ने अछामका २६ वर्षका सुवास राज रेग्मी र काभ्रेका २९ वर्षका अर्जुन थापाको ज्यान गएको सोलुखुम्बुका प्रमुख जिल्ला अधिकारी गणेश विक्रम शाहीलाई उदृत गर्दै संचारमाध्यमले जनाएका छन् । घाइते एक जनालाई हेलिकप्टरबाट उपचारका लागि काठमाडौं पठाइएको छ ।