लण्डन । सन् २०२० को बीबीसी मास्टरसेफ प्रतियोगिताका उपविजेता सन्तोष साहले आफ्नो दोस्रो पतिस्पर्धामा बीबीसी मास्टरसेफ प्रोफेसनल्सको ‘रिम्याच’ उपाधि जितेका छन्। सोमबार सम्पन्न फाइनलमा नेपाली सेफ साहले अन्य तीन प्रतिस्पर्धीलाई उछिने । बीबीसीले विगतका मास्टरसेफ प्रोफेसनल्स फाइनलिस्टलाई भिडाएको थियो ।
प्रतिस्पर्धामा सन् २०२० का फाइनलिस्ट सन्तोष, फिली आर्मिटेज म्याटिन, बार्ट भ्यान डेर ली र सन् २०१७ का फाइनलिष्ट जेमी पार्क यो उपाधीका लागि प्रतिस्पर्धामा थिए । सन्तोषले १८ प्रकारका नेपाली खाना प्रस्तुत गरे ।
दोस्रो चरणको ‘फेस्टिभ फिस्ट’ मा उनले कुखुराको तीते, बिरिया, तिलौरी, सात किसिमका तरुवा, भात, मासको दाल, गोलभेडांको चट्नी, कटर पोलेको, मालपुवा, बुनिया जस्ता नेपाली परिकार प्रस्तुत गरे । बीबीसीबाट प्रसारण हुने हस्पिटालिटी क्षेत्रको प्रतिष्ठित टिभी रियालिटी शो ‘मास्टर सेफ प्रोफेसनल यूके’ मा नेपाली खाना लिएर उनले नेपालको इज्यत बढाइहेका छन् ।