काठमाडौं । आसन्न स्थानीय तहको निर्वाचनको वातावरण बनाउन आज सर्वदलीय बैठक बस्ने भएको छ । निर्वाचन आयोगले स्थानीय तह निर्वाचनका सन्दर्भलाई लिएर शुक्रबार सर्वदलीय बैठक डाकेको छ । बैठक बिहान ११ बजे आयोगको कार्यालय कान्तिपथमा बस्ने भएको हो । सर्वदलीय बैठकमा स्थानीय तहको निर्वाचन, राष्ट्रियसभाको निर्वाचन र मतदाता नामावली अद्यावधिकबारे छलफल हुनेछ ।
निर्वाचन आयोगले सरकारलाई स्थानीय तहको निर्वाचन आगामी ५ चैतभित्र गरिसक्न सुझाव दिएको छ । अहिलेका स्थानीय तहका जनप्रतिनिधिहरुको अवधि ५ जेठ २०७९ मा सकिन्छ । स्थानीय तहका जनप्रतिनिधिको म्याद सकिनुभन्दा दुई महिनाअघि नै चुनाव गर्नुपर्ने प्रावधान रहेको छ ।