काठमाडौं । नेपालमा चूनावी सरगर्मी बढेको छ । कानून अनुसार स्थानीय तहको निर्वाचन शुरुमा गर्नुपर्छ । तर, पूर्वप्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ण्डले पहिला संसदीय निर्वाचनको प्रस्ताव गरेसँगै राजनीतिक माहौल तात्तिएको हो । बिहीबार प्रधानमन्त्री शेरबहादुर देउवा, प्रचण्ड र नेकपा (एकीकृत समाजवादी)का अध्यक्ष माधव नेपालबीच तीन तहको निर्वाचन एकै पटक गर्न सकिने सम्भावनाका बारेमा छलफल भएको छ। सत्तारुढ दल सकेसम्म गठबन्धन नताड्ने र एमालेले संसद अवरोध कायमै राखिरहेको सन्दर्भमा छिटो निर्वाचनमा जानु पर्ने छलफलमा छन् ।
प्रधानमन्त्री निवास बालुवाटारमा आजको छलफल निर्वाचनमा कसरी जाने भन्नेमा केन्दित भएको नेताहरुले बताएका छन् । प्रतिपक्षले संसद चल्नै नदिएको अवस्थामा नयाँ म्यान्डेडमा जाने र सो बाटो कस्तो हुने भन्नेबारेमा सत्ताँरुढ दल छलफलमा जुटेका हुन् ।
निर्वाचनबारे छलफल गर्न शुक्रबार ४ बजे सत्ता गठबन्धनको बैठक समेत बस्ने भएको छ । सो छलफलले गठबन्धनको रणनीति तह गर्नेछ । सकेसम्म सत्तारुढ दल यो पटक एमालेलाई एक्ल्याउने पक्षमा छन् । एमाले अध्यक्ष केपी शर्मा ओलीले संसदलाई निकम्मा बनाउन खोजिरहेको भन्दै दलहरु सो पार्टीलाई एक्ल्याउने रणनीतिमा छन् । एमालेले भने कानून अनुसार पहिला स्थानीय तहको निर्वाचन गरि संसदीय निर्वाचन गर्न माग गरिरहेको छ ।