काठमाडौं । अभिनेत्री रेखा थापाले कोर्ट म्यारिज गरेकी छिन् । इजरायल बस्दै आएका जाजरकोटका बलराम शाहीसँग उनले केही दिनअघि कोर्ट म्यारिज गरेको नेपाली संचारमाध्यमले लेखेका छन् । थापा नेपाली चलचित्र जगतमा सफल अभिनेत्री मानिन्छिन् । रेखा थापाले दोस्रो विवाह गरेकी हुन् ।
निर्माता छविराज ओझासँगको वैवाहिक जीवन १० वर्षअघि सम्बन्धविच्छेद भएको थियो । रेखा र शाही केही समयदेखि प्रेम सम्बन्धमा रहेको सार्वजनिक भएको थियो । उनीहरुले काठमाडौं जिल्ला अदालतमा पुगेर विवाह गरेका हुन् । रेखा पछिल्लो समय राजनीतिमा तानिएकी छिन् । उनी राप्रपामा आवद्ध छिन् ।