निर्वाचन लोकतन्त्रको सबैभन्दा ठूलो उत्सव हो : राष्ट्रपति

काठमाडौं । राष्ट्रपति विद्यादेवी भण्डारीले निर्वाचन लोकतन्त्रको सबैभन्दा ठूलो उत्सव भएको बताएकी छिन् । स्थानीय तह निर्वाचनको पूर्वसन्ध्यामा भिडियो सन्देश जारी गर्दै राष्ट्रपतिबाट यस्तो आह्वान गरिएको हो । उनले निर्धक्क भएर मताधिकारको प्रयोग गर्न सबै मतदातामा आह्वान समेत गरेकी छिन् । शुक्रवार हुन गइरहेको पालिका चुनावका सम्बन्धमा राष्ट्रपतिले स्वतन्त्र, निष्पक्ष र भयरहित वातावरणको निर्माण गर्नु सबैको दायित्व भएको उल्लेख गरेकी छिन् ।