काठमाडौं । सरकारले १ असारबाट लागु हुने गरी साताको दुई दिन बिदाको प्रावधान खारेज गरेको छ । सोमबार बसेको मन्त्रिपरिषद् बैठकले यस्तो निर्णय गरेको हो । सरकारले इन्धन खपत घटाउन भन्दै १ जेठबाट शनिबार र आइतबार गरी दुई दिन बिदा दिन थालेको हो । तर, सोचजती प्रगति हुन नसकेपछि बिदा खारेज गरिएको हो । निर्णयको औपचारिक घोषणा भने भइसकेको छैन ।
यसबीचमा सेवाग्राहीलाई सन्तुष्ट गराउने गरी सरकारले कार्य सम्पादनका लागि तयारी गरेको थिएन । जसले गर्दा सरकारको आलोचना समेत भएको थियो । कतिपय दुर्गम भेगमा ९ बजे कार्यालय वा विद्यालय पुग्न कठिन भएको भन्दै गुनासो समेत आएको थियो ।