कोटेश्वरमा ट्रकको ठक्करबाट एक जनाको मृत्यु

काठमाडौं । काठमाडौंको कोटेश्वरमा ट्रकको ठक्करबाट एक जनाको मृत्यु भएको छ । गतराति ना ५ ख २९ १९ नम्बरको ट्रकको ठक्करबाट बा ७१ प ३०५४ नम्बरको मोटरसाइकलको पछाडि बस्ने पाँचथरको मिक्लाजुङ ५ घर भइ काँडाघारी बस्ने ३४ वर्षकी सम्झना राईको ज्यान गएको प्रहरीले जनाएको छ ।

उनको शिक्षण अस्पताल महाराजगञ्जमा राति सवा १० बजे ज्यान गएको हो । दुर्घटना पौने १० बजे भएको थियो । ट्रक चालकलाई प्रहरीले पक्राउ गरेको जानकारी गराएको छ । रातको समयमा अत्यधिक गतिमा गुड्ने ट्रक र टिपरका कारण धेरैले अकालमा ज्यान गुमाइरहेका छन् । तर, यसको नियन्त्रणमा प्रहरीले कुनै तदारुकता देखाउन सकेको छैन ।