धादिङमा स्थानीयले लुटे अवैध रुपमा आएको रासायनिक मल

धादिङ । धादिङको धार्केमा रासायनिक मल बोकेर काठमाडौंतर्फ आउँदै गरेका दुई ट्रक स्थानीयबाट लुटिएका छन् । मल बोकेको ट्रकलाई राजमार्ग छेउ रोकेर किसानले मल झिकेका छन् । अवैध रासायनिक मल लिएर आएको ट्रकलाई राजस्व अनुसन्धान विभागले शुक्रबार राति धादिङको चरौंदीबाट नियन्त्रणमा लिएको थियो । त्यसपछि सशस्त्र प्रहरीको बलको सुरक्षामा काठमाडौंतर्फ ल्याइँदै गरेका बेला किसानले ट्रकको मल लुटेका हुन् ।

भिडियोमा सुरक्षाकर्मीले हतियारले महिलालाई हिर्काएको देखिन्छ । शनिबार दिउँसो मल बोकेको ट्रक काठमाडौंतर्फ जाँदै गरेको सूचना पाएपछि धार्केमा राजमार्गमा ४÷५ सय किसान भेला भएका थिए । मल बोकेको ट्रक आइपुग्नेवित्तिकै किसानले ट्रक रोकेर मल झिकेर लगेका हुन् । एउटामा गहुँ र अर्कोमा सिमेन्ट भनेर रासायनिक मल ल्याइएको खुलेको छ ।