डा- दीनबन्धु शर्मा
निस्तब्ध रात्रिमा
रूख पहाड र नदीको समाधि देखें
आकाश स्थिर छ
बादल चञ्चल देखें
मृत्यु स्थिर छ
प्राणीहरू छटपट गरेको देखें
विशाल ब्रह्माण्ड स्थिर छ
ताराहरू खसेको देखें
दु:खी-सुखी भागाभाग छन्
स्थितप्रज्ञ शान्त देखें
धमिरो लागेको काठमा
हतार हतार दौडने कमिलो भएको छ मान्छे
जति धेरै चलाख हुनेछ
उति धेरै लाटो हुनेछ
जति धेरै दौडिनेछ
उति ढिलो पुग्नेछ
कतै माथि पछारिनेछ क्लान्त भई
काशी हिँडेको छ कुतिको बाटो।