बुटवल । बुटवलमा जंगली च्याउको सेवनबाट ६ जना गम्भीर बिरामी परेका छन् । बुटवल उपमहानगरपालिका वडा नं. १२ नयाँगाउँमा जङ्गली च्याउ खाँदा छ जना बिरामी परेका छन् । त्यसमध्ये पाँच जनाको अवस्था जटिल रहेको प्रहरीले जनाएको छ । जङ्गली च्याउ खाएर बिरामी परेका उनीहरुको अहिले लुम्बिनी प्रादेशिक अस्पताल बुटवलमा उपचार भइरहेको प्रहरीले जनाएको छ ।
जङ्गलबाट च्याउ ल्याएर खाएका २८ वर्षीया रिना बिक, २८ वर्षीया कमला बिक, ८ वर्षकी सुप्रिया बिक, ३८ वर्षीय विष्णु बिक र ३३ वर्षीया दुर्गा विकको अवस्था गम्भीर रहेको उस्पताललाई उदृत गर्दै ईलाका प्रहरी कार्यालय बुटवलका प्रहरी नायव उपरीक्षक ठगबहादुर केसीलाई उदृत गर्दै सञ्चारमाध्यमले जनाएका छन् । उनीहरु अस्पतालमा ल्याउँदा अचेत अवस्थामा थिए । घटना बुधबार साँझ करिव साढे ५ बजेको हो । जंगली च्याउ खाएर बिरामी परेका उनीहरुलाई राती पौने ९ बजेको समयमा आफन्तले अस्पताल पुर्याएका थिए ।