प्यूठान । प्युठानमा भएको जीप दुर्घटनामा तीन जनाको मृत्यु भएको छ । जिल्लाको नौबहिनी गाउँपालिका ६ बहानेमा जीप दुर्घटनामा परेको हो । प्रहरीका अनुसार मृत्यु हुनेमा नौबहिनी ५ डामृका रेमसरा बुढा मगरकी २५ दिने शिशु चेतना बुढा, उनकी दिदी ७ वर्षीया करुणा बुढा मगर र सोही ठाउँका जीप चालक २५ वर्षीय लुकेश थापा छन् । जिल्ला प्रहरी कार्यालय प्युठानका प्रमुख प्रहरी नायब उपरीक्षक सत्य नारायण थापाका अनुसार चेतना र करुणाको अस्पताल लैजाँदै गर्दा बाटोमै मृत्यु भएको हो ।
चालक थापाको भने उपचारको क्रममा जिल्ला अस्पताल बिजुवारमा मृत्यु भएको हो । दुर्घटनामा दुई जान गम्भीर घाइते भएका छन् भने घाइते ७ जनाको उपचार भइरहेको छ । आइतबार साँझ ५ बजे प्युठानको बाग्दुलाबाट डामृ तर्फ जाँदै गरेको लु १ ज १५४५ नम्बरको जिप नौबहिनि गाउँपालिका वडा नम्वर ६ बहाने बजार नजिकै दुर्घटनामा परेको हो ।