काठमाडौं । आगामी मंसिर ४ मा तोकिएको संघ र प्रदेशको निर्वाचनमा ८४ वटा दल दर्ता भएका छन्। मंगलबार दल दर्ता गर्ने अन्तिम दिन थियो । निर्वाचन आयोगका अनुसार दर्ता भएका दलमध्ये चार वटा दल संयुक्त रूपमा दर्ता भएका छन् ।
दुई वा दुईभन्दा बढी दल एउटै पार्टी र चुनाव चिन्हबाट लड्ने गरी चार वटा दल दर्ता भएका हुन् । २०७४ सालको निर्वाचनमा ८६ वटा दल दर्ता भएका थिए। दल दर्ता गर्ने समय सकिएसँगै अब निर्वाचन आयोगले पेस गरिएका विवरण केलाउनेछ । त्यसपछि मात्र दलको सूचि सार्वजनिक गर्ने तयारी आयोगको छ ।