काठमाडौं । सत्ता गठबन्धन भित्रका दुई दल नेकपा माओवादी केन्द्र र एकीकृत समाजवादीबीच एकता हुने गरी तयारी थालिएको छ । दुबै दलका नेताहरु एकता प्रक्रियालाई औपचारिकता दिन सहमत भएसँगै यो प्रक्रियाले गति लिने देखिएको छ । दुई दलबीचको छलफलमा ४ मंसिरको प्रतिनिधिसभा तथा प्रदेशसभा चुनाव लगत्तै एकता गर्ने गरी गृहकार्य सुरु गर्न नेता तयार भएका छन् ।
सो प्रयोजनका लागि एकता संयोजन समिति गठन हुने भएको छ । यसले एकताको अवधारणापत्र तयार पार्नेछ । यस्तो समितिको संयोजकमा दुबै दलका अध्यक्ष रहने भएका छन् । चुनाव अगाडि संयुक्त घोषणापत्र लिएर अगाडी जाने सहमति समेत भएको छ । यसरी एकता भएमा पार्टीलाई दोस्रो शक्तिसम्म बनाउन सकिने आंकलन नेताहरुको छ ।