काठमाडौं । नेकपा एमालेका नेता एवम् प्रतिनिधि सभा सदस्य गोकुल बास्कोटाको भक्तपुरस्थित घरमा शंकास्पद वस्तु फेला परेपछि डिस्पोजका लागि नेपाली सेनाको टोली पुगेको छ । शंकास्पद वस्तु भेटिए पछि सो क्षेत्रलाई प्रंहरीले सिल गरेको थियो । आज बिहान छिमेकीले बास्कोटाको घरको पर्खाल छेउमा शंकास्पद बस्तु देखेपछि प्रहरीलाई खबर गरेका थिए ।
यसअघि बास्कोटाको घर बन्दै गर्दा २०७६ फागुनमा बम विष्फोट गराइएको थियो । त्यसबेला समेत घरमा क्षति पुगेको थियो । अहिले बास्कोटा लोकन्थलीस्थित घरमा भने नभएको बताइएको छ । उनी काभ्रेस्थित घरमा रहेको बेला भक्तपुरमा यस्तो वस्तु राखिएको हो । शंकास्पद वस्तु कसले राखेको बारेमा नखुलेको समेत प्रहरीले बताएको छ ।