काठमाडौं । काभे जिल्लाको बेथानचोक गाउँपालिका ४ मा बस दुर्घटनामा ज्यान गुमाउनेको संख्या १७ पुगेको छ । बेथानचोक(४ स्थित चलाल गणेशस्थानको सल्लाफेद भन्ने स्थानमा बा ३ ख ४३८५ नम्बरको बस मंगलबार साँझ ६ बजेतिर दुर्घटनामा परेको थियो । १७ जनाको मृत्यु भएको जिल्ला प्रहरी कार्यालयका प्रहरी नायव उपरीक्षक रेशम बोहोराले पुष्टी गरेका छन् ।
मृतकको पहिचान भने भइसकेको छैन । शिर मेमोरियलमा उपचारका लागि लगिएका १४ मध्ये ४ जनालाई काठमाडौं रिफर गरिएको छ । केही घाइतेको धुलिखेललगायत अस्पतालमा उपचार जारी छ । जिल्लाको बनेपा नगरपालिका वडा नं ११ बाट ब्रतबन्ध लागि गाउँपालिकाको वडा नं ५ स्थित च्याल्टी पुगेर फर्किँदै गरेको रिजर्भ बस दुर्घटना भएको हो ।