गुल्मीको रेसुङ्गा विमानस्थलमा आज परिक्षण उडान, नगरपालिकामा बिदा

काठमाडौं । गुल्मीको रेसुङ्गा नगरपालिका–१० सिसमचौरमा बनेको रेसुङ्गा विमानस्थलमा आज डेमो उडान हुँदैछ । त्रिभुवन अन्तर्राष्ट्रिय विमानस्थलबाट तारा एयरको ट्विनअटर जहाज १०ः ३० बजे रेसुङ्गा विमानस्थल प्रस्थान थर्नेछ । जहाज ५५ मिनेटको उडानमा गुल्मी पुग्नेछ ।
यो विमानस्थल ३३ करोड लागतमा बनेको हो । यहाँ पाँच सय २० मिटर लम्बाई र २० मिटर चौडाइको धावनमार्ग छ । यहाँ साना जहाजमात्र उड्न सक्छन् । यहाँ २०७५ जेठ २५ मा धुले मैदानमा परीक्षण उडान भएको हो । आज रेसुंगा नगरपालिकाले नगरभर बिदा दिएको छ ।