काठमाडौं । काठमाडौंबाट चित्लाङ जाँदै गरेको कार चन्द्रागिरी नगरपालिका ४ सेतो पहराबाट झरेको छ । सो दुर्घटनामा पाँच जनाको मृत्यु भएको छ।
शनिबार दिउँसो १ः५५ बजे प्र.३–०१–२३ च ६९८५ नम्बरको गाडी पानीघाटभन्दा माथि हिमचुली सेतो पहरास्थित सडकबाट करिब ५ सय मिटर तल खसेको थियो । काठमाडौं प्रहरी परिसरका एसपी कुमोध ढुंगेलका अनुसार दुर्घटनामा परी ४ जनाको घटनास्थलमै मृत्यु भएको र १ जनाको उपचारका क्रममा मृत्यु भएको छ ।
मृत्यु हुनेमा काठमाडौं महानगरपालिका ३० मैतिदेवीका ६७ वर्षीय ओमकार निधि तिवारी, ६४ वर्षीया कल्पना तिवारी, काठमाडौं महानगरपालिका- २ लाजिम्पाटका ३८ वर्षीय डा. महेश कुमार गौतम र ४ वर्षीय प्रियान्स गौतम छन्। एसपी ढुंगेलका अनुसार महेश कुमार गौतमले गाडी चलाएका थिए। दुर्घटनामा परी गम्भीर घाइते ६ वर्षीया स्मारिका गौतमको अस्पतालमा उपचारको क्रममा मृत्यु भएको हो । डा. सृष्टी तिवारी गौतम सकुशल रहेको बताइएको छ ।