काठमाडौं । ललितपुर महानगरपालिका–१६, नागबहालमा जर्मन नागरिक मृत अवस्थामा भेटिएकी छन् । उनको लडेर मृत्यु भएको आशंका गरिएको छ । घटनास्थलको प्रारम्भिक जाँच र फरेन्सिक विज्ञहरुसँगको छलफलपछि प्रहरीले जर्मन नागरिक एडिल एचिडको लडेर मृत्यु भएको हुनसक्ने आशंका गरेको हो । मृत्युको आधिकारिक कारण भने पोष्टमार्टम रिपोर्ट आएपछि खुल्ने बताइएको छ ।
उनको शवलाई पोष्टमार्टमका लागि त्रिवि शिक्षण अस्पताल महाराजगञ्ज पठाइएको छ । बिहान ८ बजेतिर ग्रिनतारा हेरिटेज होम एण्ड अपार्टमेन्टको दोस्रो तलामा उनी मृत भेटिएपछि प्रहरी टोली पुगेको थियो । त्यसक्रममा उनको टाउकोमा सानो चोट देखिएको थियो । त्यसबाहेक शरीरमा अन्य कुनै चोट देखिएको छैन । अनुसन्धानमा संलग्न एक अधिकृतका अनुसार, बिहान ८ बजेतिर जति पानी तान्दा पनि ट्यांकी नभरिएको भन्दै अपार्टमेन्टकी हाउस किपर सञ्चालकसमक्ष पुगेकी थिइन् ।