न्यूयोर्क ।
नेपाली अमेरिकन कलाकार संघ, नर्थ अमेरिकाले ५ औं अधिवेशन गत फेब्रुवरी १० शनिबार न्यूयोर्कको क्विन्समा सम्पन्न गरेको छ । अधिवेशनले कलाकार बसन्ती राईको अध्यक्षतामा १७ सदस्यीय नयाँ कार्यसमिति चयन गरेको हो ।
कार्यक्रमको उदघाटन तथा अधिवेशनको प्रमुख अतिथी गायक जगदिश समाल र कार्यक्रम सभापति गायिका निशा सुनारले संयुक्तरुपमा दिप प्रज्वलित गरी शुभारम्भ गरिएका थिए ।
अधिवेशनले बसन्ती राईको अध्यक्षतामा १७ सदस्यीय नयाँ कार्यसमिति चयन गरेको छ । बरिष्ठ उपाध्यक्षमा बिमल डॅागी, ५ उपाध्यक्षहरुमा शंकर बिसी, बिक्की पुलामी, राजेन्द्र राई, मधुर गिरी र एट्ना कार्कीलाई सर्वसम्मत चयन गरेको छ ।
त्यसैगरी महासचिव संगीता थापा मगर, सह–सचिव प्रेम सेन्चुरी, कोषाध्यक्ष नबिन श्रेष्ठ, सह-कोषाध्यक्षमा पुष्पा बस्नेत युवा संयोजक दिलिप श्रीसमगर र मिडिया संयोजकमा पुष्कर बराल सर्वसम्मत चयन भएका छन् ।
त्यसैगरी बोर्ड सदस्यहरु वीर घर्ति मगर, माया मेलिसा राई, चिनिलाल श्रेष्ठ, दिनेश सुनार र कुमार थापा मगर रहेका छन् ।
कार्यक्रमको समापन जिपि फाउन्डेशन अमेरिका च्याप्टरका अध्यक्ष सोमनाथ घिमिरे, युनाईटेड किरात राई एसोसियसन अफ अमेरिकाका उपाध्यक्ष केशबराम राई, साहित्यकार गिता खत्री र निवर्तमान अध्यक्ष गायिका निशा सुनारले गरेका थिए ।
महाअधिवेशनमा पर्यवेक्षकको भूमिका बिष्णु राना मगर, शोभाकान्त पाण्डे र डा. शंकर बिसुन्केले गरेका थिए ।