प्रेमकृष्ण श्रेष्ठ, कीर्तिपुर
जुलाई २९ देखि अगस्ट २० सम्म जर्मनीमा हुने अन्तर्राष्ट्रिय खुल्ला समर क्याम्प २०२५ मा सहभागी हुन मार्सल आर्ट अर्गनाइजेसन नेपालका अध्यक्ष राजीव महर्जन जर्मन जान लागेको हो । जर्मन क्लबका अध्यक्ष हसन हेन्सले उक्त क्याम्पका लागि मार्सल आर्ट अर्गनाइजेसन नेपाललाई निमन्त्रणा दिएका हुन । नेपाल लगायत स्पेन, पोल्यान्ड, स्वीडेन र जर्मनीका प्रशिक्षार्थीहरुको सहभागिता रहने समर क्याम्पमा मार्सल आर्टका तौर तरिका मात्र नभएर सहभागी देशको संस्कृति समेत एक आपसमा साटिने र यी देशबीच भाईचारा तथा मित्रता बढ्ने कुरा प्रशिक्षक महर्जनले बताउनु भयो । हरेक वर्ष हुने यस क्याम्पमा सहभागिता जनाउदै आएका प्रशिक्षक महर्जनले जर्मनीमा नेपालको प्रतिनिधित्व मात्र गरिरहेका छैनन, उनले आफुसंग भएको मार्सल आर्टको ज्ञान र नेपालको संस्कृति विश्व सामु प्रस्तुत गरिरहेका छन ।
किर्तिपुर नगरपालिका र जर्मनीको लुबिज नगरपालिका बीचको सहकार्यमा नेपालबाट राजीव महर्जन एक हप्ता संचालन हुने क्याम्पमा सहभागिता जनाउन लागेको हो । क्याम्पमा बिभिन्न देशका सयौं प्रशिक्षार्थी तथा प्रशिक्षकहरुले सहभागिता जनाउने जर्मन क्लबका प्रशिक्षक हसन हेन्सले जानकारी दिनुभयो ।
आयोजक क्लबका प्रशिक्षक हसन हेन्सले विभिन्न समयमा नेपाल आई प्रशिक्षण समेत दिई राख्नु भएको छ। यसरी दुई देशबीचको यो मार्सल आर्टका कला कौशल प्रशिक्षण दिने कार्यले दुबै देशको मार्सल आर्टमा उल्लेख्य विकास हुदै आइरहेको छ।