न्युयोर्क
फ्लाई नेपा ट्राभलको संयोजनमा “अब गाऊँछ अमेरिका” कार्यक्रम आगामी अगस्त-१६ शनिवार न्युयोर्क सहरमा हुने भएको छ ।
टाइटल स्पोन्सर नेपाली भान्छा घर रहेको साँगीतिक साँझ न्युयोर्कको क्वीन्सस्थित गुल्सन टेरेसमा हुन लागेको हो । कार्यक्रममा वरिष्ठ लोक तथा दोहोरी गायक बद्री पंगेनी, चर्चित लोक तथा दोहोरी गायिका कला लम्साल, चर्चित गायक प्रताप दास चर्चित गायिका एलिना चौहान लगायतको विशेष प्रस्तुति हुनेछ।
न्युयोर्क न्युजर्सी आसपासमा रहेका नेपाली संगीतपारखी लक्षित कार्यक्रमलाई प्रचारप्रसार र सहजताको लागि गायिका संगिता थापा र गायक बिमल डाँगी लगायतको कलाकार समुहले भूमिका निर्वाह गरिरहेका छन् ।
टिकट दर ५० डलर रहेको कार्यक्रममा सुविधाको लागि सामान्य खाजा तथा पेय पदार्थ र डिजे समेतको साँगीतिक प्रस्तति हुने जनाएको छ ।