Author: Bijaya Poudel

बन्दुक राख्न पाउने अधिकारको समर्थनमा अमेरिकाको भर्जिनिया राज्यको रिचमन्ड शहरमा हजारौँ मानिस सोमवार एउटा वार्षिक र्‍यालीमा सहभागी हुने अपेक्षा गरिएको छ।उक्त र्‍याली हिंसात्मक हुन सक्ने राज्यका अधिकारीहरूको आशङ्का छ।

गभर्नर राल्फ नर्थमले भर्जिनियामा आपत्‌कालीन अवस्थाको घोषणा गर्दै संसद्‌ भवन वरिपरिका क्षेत्रमा गोलीगट्ठाको प्रदर्शनमा प्रतिबन्ध लगाएका छन्।

तर बन्दुक राख्न पाउने नियम हुँदाहुँदै नियन्त्रण गर्ने कैयौँ विधेयक ज्यानुअरीमा पारित गरिएपछि सो अभियानका पक्षधरहरू क्रुद्ध बनेका छन्।

बन्दुक राख्न पाउने अधिकारको समर्थक समूह द भर्जिनिया सिटिजन्स डिफेन्स लीगले आयोजना गर्न लागेको र्‍यालीमा ५० हजार मानिसहरू सहभागी हुने अपेक्षा गरिएको छ।

छिमेकी राज्यहरूबाट भर्जिनिआ जाने बसहरूको टिकट सप्ताहान्तअघि नै विक्री भइसकेको विवरणमा जनाइएको छ।

सशस्त्र मिलिसिआ, दक्षिणपन्थी अतिवादी र स्थानीय एन्टिफा अथवा एन्टिफासिस्ट मुभमेन्टसहितका समूहहरू पनि ‍र्‍यालीमा सहभागी हुने अपेक्षा गरिएको छ।

सन् २०१७ मा शार्लट्सभिलमा भएको हिंसात्मक झडपमा सहभागी द पेनसिलभेनिआ लाइट फूट मिलिसिआको नेतृत्व गरेका क्रिस्टिआन यिङ्गलिङले ‍र्‍यालीमा ठूलो सहभागिता हुने आफ्नो विश्वास रहेको बताएको बि बि सिले जनाएको छ । बि बि सिका अनुसार क्रिस्टिआन ले भनेका छँन् “म धेरै मानिस सहभागी भएको हेर्न चाहन्छु।”

“सामाजिक सञ्जालहरूमा भइरहेका चर्चाबाट मैले थाहा पाए अनुसार टेक्सस र इलिनोईलगायत धेरै टाढादेखि मिलिसिआजस्ता थुप्रै मानिस आउँदैछन्।”

र्‍याली शान्तिपूर्ण हुने आफ्नो आशा रहे पनि त्यस्तो नहुने आफूलाई डर रहेको क्रिस्टिआनको भनाइ छ।

“मलाई लाग्छ नराम्रो हुन सक्ने सम्भावना धेरै नै छ,”उनले थपे।

विभिन्न मिलिसिआ समूहमा आबद्ध मानिसहरू रणनीति बनाउन र बन्दुक राख्न पाउने अधिकारलाई भर्जिनिआमा जोखिम बढेको विषयमा कुरा गर्न रिचमन्डदेखि २० माइल टाढा रहेको एउटा सामुदायिक भवनमा आइतवार राति भेला भएका छन्।

द भर्जिनिआ सिटिजन्स डिफेन्स लीगका संस्थापक मध्येका एक ग्रेग ट्रोजनले राज्यबाट कति मानिस आएको भनेर सोध्दा आधा जतिले हात उठाएका थिए।

बैठकमा सहभागी अधिकांशले सोमवारको र्‍याली शान्तिपूर्ण हुने बताए पनि केहीले हिंसाको आशङ्का गरे।

ओक्लोहोमाको एउटा मिलिसिआ समूहका टामी लीले भने, “एकदमै आक्रोशित मानिसहरू आइरहेका छन्। थुप्रै अशिक्षित मानिसहरू आइरहेका छन्।”

“म गलत होऊँ भन्ने कामना गर्छ, तर त्यस्तो होला जस्त मलाई लाग्दैन।”

( यो समाचार बि बि सि नेपालीबाट सभार गरिएको हो )

प्रभात भट्टराई/अमेरिका
अमेरिका लगायत क्रिश्चियन बहुल पश्चिमा मुलुकहरुमा चाडको माहोल छ । क्रिसमस मनाउन राज्य चलाउने नेता, विजनेश दुनियाँका बादशाह अर्बपति देखि आम नागरिकसम्म ‘छुट्टि’को मुडमा छन् । गाउँ शहर सबैतिरका घर झिलिमिली सजाइएको छ । ठाउँ ठाउँमा क्रिसमस ट्रि ठड्याइएका छन् । कुनै चोकमा शान्ताक्लर्कहरु उभिएर चकलेट बाँड्दैछन् । हरेक स्टोरमा कामगर्नेहरु क्रिसमसको प्रतिनिधी मानिने रातो टोपी लगाएर उभिएका छन् ।
क्रिसमस मनाउनेहरुकै सूचीमा अमेरिकी राष्ट्रपति डोनाल्ड ट्रम्प । ट्रम्प अहिले छुट्टिमा फ्लोरिडा स्थित रिसोर्टमा पुगेका छन् । तर, आम अमेरिकी एवं क्रिश्चियन जस्तो उनी छुट्टिको मुडमा भने छैनन् । अमेरिकी संसदको तल्लो सदन हाउस अफ रिप्रिजेन्टेटिभबाट हालै महाभियोग खेपेका ट्रम्प बेचैन छन् । त्यसैले परिवार र साथीसँगीका माझ चाड मनाउन वासिंटनबाट हजार माइल टाढाको फ्लोरिडा पुगेपनि बिन्दास हुन सकेका छैनन् । उनी छिन छिनमा ट्विट गर्छन् । जुनसुकै प्रसंगमा ट्विट गरेको घुमाइ फिराइ महाभियोगमै लगेर जोड्छन् ।
कहिले सिनेटले महाभियोग माथि थप अनुसन्धान गरेमा रिपब्लिकन र डेमोक्र्याटबीच फरक नहुने बताउँछन् त कहिले अर्थतन्त्रका सारा सूचक उत्साहजनक रहेको बेला कसैले अमेरिकी राष्ट्रपतिलाई हटाउन नसक्ने भन्दै आफ्नो बचाउ गर्छन् । सोमबार दिनभरमा उनले दुई दर्जन बढि ट्विट एवं रिट्विट गरेका छन् । जसमा अधिकांश महाभियोगसँगै जोडिएका छन् । सभामुख न्यान्सी पेलोसी एवं डेमोक्र्याटहरुलाई गाली गर्दै केही ट्विट आफैँ लेखेका छन् ।
ट्रम्पले हाउसमा महाभियोग चल्दै गर्दा आफुले कुनै मतलव नगरेको बयान दिँदै आएका थिए । तर, जब जब महाभियोगको मिति नजिकियो, उनको बेचैनीको सियो उकालो लाग्यो । त्यसबेला पनि उनले मतलव नभएको दावी गर्न भने छोडेनन् । तर, महाभियोगको प्रतिरोध गर्दै ट्विटकै बर्षा गर्न थाले । हाउसमा महाभियोगबारे अन्तिम बहस चल्दै गर्दा उनले तीन दिनमा २०० हाराहारी ट्विट गरे । संसदमा उनको महाभियोग माथि मतदान हुँदै गर्दा उनी मिचिगनमा चुनावी सभा गर्दै थिए । त्यहाँ उनले अहिलेसम्मकै लामो चुनावी भाषण दिए– दुई घण्टा बढि । अधिकांश समय डेमोक्र्याट र महाभियोगकै बिरुद्धमा बोलेका थिए । यी सबै भइ सकेपछि पनि उनको सार भने एउटै हुन्छ– मैले यो महाभियोगलाई मतलव गरेको छैन ।
जस्तो सुकै अवस्था होस्, ट्रम्प आफ्नो गल्ती स्विकार्दैनन् । कमजोरी लुकाएर र भ्रम छरेरै जित्न सकिन्छ भन्ने उनको सधैंको मान्यता हो । त्यसैले महाभियोगको डर डेमोक्र्याट माथि गाली गर्दै लुकाउँदै आएका छन् । सँगै कतै रिपब्लिकन सिनेटरले थप प्रमाण खोजेर अफ्ठ्यारोमा पार्ने हुन् कि भन्ने पिर पनि उनी भित्र छ । त्यसैले कहिले महाभियोग आफुमाथि नभइ आफ्ना सारा समर्थक र रिपब्लिकन पार्टीप्रति लगाइएको दावी गर्छन् भने कहिले महाभियोग माथि थप अनुसन्धान गरे डेमोक्र्याट र रिपब्लिकनमा फरक नहुने भन्दै आफ्ना सिनेटरहरुलाई अग्रिम चेतावनी दिन्छन् । ट्रम्पको रिपब्लिकन पार्टीभित्र अचाक्ली बलियो होड छ । अहिलेका प्रायः सबै सर्भेक्षणहरुले रिपब्लिकन पार्टी भित्र उनको ‘एप्रुभल रेटिङ’ ९० प्रतिशत हाराहारी देखाएका छन् । तर, यति हुँदा पनि ट्रम्पको औषत एप्रुभल रेटिङले अहिलेसम्म ५० प्रतिशत छुन सकेको छैन । अर्थात डेमोक्र्याट भित्र ट्रम्प अत्यधिक अलोकप्रिय छन् । बहुमत स्वतन्त्र अमेरिकी पनि उनको समर्थनमा छैनन् । सोही कारण रिपब्लिकन पार्टी भित्रको आफ्नो पकड कायम राख्न उनी जे बोल्न पनि तयार छन् जसो गर्न पनि तयार छन् ।
रिपब्लिकनमाझको यही लोकप्रियताले नै आफुलाई अर्को बर्ष चुनाव जिताउला भन्ने उनको आशा गरेको छ । डेमोक्र्याटबाट टिकट पाउने व्यक्तिलाई सकेसम्म विवादमा धकेल्दिने ताकी उनलाई भोट हाल्न स्वतन्त्र मतदाताहरुलाई उत्साह नहोस् र रिपब्लिकन अहिलेजस्तै एकजुट भएर बुथसम्म पुगे आफुले चुनाव जित्ने ट्रम्पको आँकलन छ । सोही ध्येयले उनले डेमोक्र्याटबाट सम्भावित प्रत्याशीको अग्रसूचीमा रहेका जो बाइडेनलाई विवादको भूमरीमा धकेल्न युक्रेन काण्ड गराएका थिए । युक्रेनी राष्ट्रपति भोलोडिमिर जेलेन्स्कीसँग बाइडेन माथि अनुसन्धानको माग राख्दै युक्रेनका लागि अमेरिकी संसदले पारित गरेको झन्डै ४०० मिलियन डलरको सैन्य सहायत रोकेको तथ्य बाहिरिएसँगै उनले महाभियोग सामना गर्नु पर्यो ।
तर, यो घटनाबाट शिक्षा लिने छनक ट्रम्पले दिएका छैनन् । बिपक्षिलाई विवादमा पार्नुनै जितको मुख्य सुत्र हो भन्ने उनको मान्यता नबदलिने विश्लेषकहरुको राय छ । किनभने आम अमेरिकीबीच लोकप्रिय हुनसक्ने उनको प्रकृति नै होइन । अहिले अमेरिकी अर्थतन्त्रका अधिकांश सूचकले रेकर्ड बनाएका छन् । जनतामा सिधा असर हुने बेरोजगारी दर ५० बर्षको न्यून विन्दुमा झरेको छ भने उपभोक्ताको आत्मविश्वास उस्तै उच्च छ । त्यती हुँदा पनि राष्ट्रपतिको एप्रुभल रेटिङ ‘अण्डरवाटर’ हुनु अर्को रेकर्ड रहेको विश्लेषकहरुको राय छ ।
सन् १९९८ मा विल क्लिन्टन माथि महाभियोग चल्दा अमेरिकी अर्थतन्त्र उस्तै सन्तोषजनक अवस्थामा थियो । त्यसैले महाभियोग सुरु भएसँगै क्लिन्टनको एप्रुभल रेटिङले ६५ प्रतिशत नाघेको थियो । तर, त्यो सौभाग्य र क्षमता ट्रम्पसँग छैन । अर्कोतिर उनलाई जसरी पनि २०२० को चुनाव जित्नुछ । सिनेटमा आफुलाई पदमुक्त गर्ने गरि दुई तिहाई बहुमत पुग्दैन भन्नेमा त उनी ढुक्क नै छन् तर कथंकदाचित आफ्ना हर हर्कतसँग सहमत नहुने रिपब्लिकन सिनेटरहरुले नै थप प्रमाण र अनुसन्धानका लागि दबाब देलान् कि भन्ने डर भने उनको मनमा नराम्रोसँग गढेको छ । किनभने हाउसमा अनुसन्धान हुन्जेल धेरैजसो प्रमाण लुकाउन रिपब्लिकनहरुले एकमत भएर साथ दिए । सिनेटमा त्यो अवस्था नरहे ह्वाइट हाउसले बलपुर्वक थामि रहेको पर्दा उघारिन सक्छ । ट्रम्पको बेचैनीको मुख्य गुह्य यसैमा अड्किएको राजनीतिक पण्डितहरुको तर्क छ ।

शनिबार  राती राष्ट्रपती डोनाल्ड ट्रम्पले एकदम ठुलो घटना घटेको जनाउदै ट्विट गरेका छँन् ।सामान्यतया दिनमा १० देखी १५ ,१६ पटक सम्म ट्विट गर्ने राष्ट्रपती ट्रम्पको उक्त ट्विटले निकै ठुलो राजनीतिक घटनाको संकेत गेरेको छ । शनिबार  राती ९ बजेर २० मिनेटमा ट्विट गर्दै ट्रम्पले लेखेका छँन् ” समथिङ भेरी बिग ह्याज जस्ट ह्यापेन्ड ” ।  

राष्ट्रपती  ट्रम्पको ट्विट लगतै ह्वाईट हाऊसले अाईतबार पुर्बिय समय अनुसार बिहान ९ बजे ट्रम्पले राष्ट्रको नाममा बिशेष सम्बोधन  गर्ने सुचना जारी गरेको छ । ट्रम्पको उक्त ट्विटको एक घण्टा पछी ह्वाईट हाऊसले राष्ट्रपतीको भोली बिशेष सम्बोधन हुने सुचना जारी गरेको हो ।  राष्ट्रपतीले भोली बिहान के त्यस्तो बिशेष सम्बोधन गर्दै छँन् त्यो भने खुलाईएको छैन ।  

एजेन्सी 

काठमाडौ ।  

गैर आवासीय  नेपाली संघको आगामी दुई बर्षको लागि नयाँ नेत्रित्वमा कुमार पन्त बिजयी भएका छँन् । नेकपा समर्थन पाएको भनिएका पन्त ले १२१७ मत पाएका थिए भने उनका प्रतिद्वन्दी नेपाली काङ्रेस समर्थक उमेद्वार कुल आचार्यले १०७० प्राप्त गरे ।  त्यसैगरी उपाध्यक्षमा बद्री केसी -११६३ अर्जुन कुमार श्रेष्ठ-१०२६  मन केसी -९६१ र सोनाम लामा – ८९८ मत प्राप्त गरी बिजयी भएका छँन् ।  महिला उपाध्यक्षमा रबिना थापा बिजयी भएकी छिन्  । थापाले ११३२ मत प्राप्त गरिन भने उनको प्रतिद्वन्दी सपिला राज भण्डारीले ८६३ मतमा चित्त बुझाउनु परेको छ । महासचिबमा डा हेम राज शर्मा बिजयी भएका छंन् । सचिबमा गौरी जोशी र आर के शर्मा बिजयी भएका छन ।कोषाध्यक्षमा महेश श्रेष्ठ र  सह कोषाध्यक्षमा लोक दाहाल बिजयी भएका छँन् । संघको अन्तरराष्ट्रिय समन्वय परिषदको नेत्रित्वमा ३ जना निर्वाचित भएर यस पटक अमेरिकाले नयाँ किर्तिमान समेत राखेको छ ।  

केही झडप केही हल्ला बिच सम्पन्न निर्वाचन सुरुमा बिद्युतिय  प्रणाली मार्फत सम्पन्न गर्न कोसिस गरिए पनि सिस्टममा समस्या आएको भन्दै कागजी मत पत्र मार्फत नै निर्वाचन गरिएको थियो भने मतगणना  परिणाम समेत  केही ढिलो गरी आएको थियो ।  

दुई हजार ५७० प्रतिनिधिहरुले निर्वाचनमा भाग लिन नाम दर्ता गराएका थिए । निर्वाचन प्रक्रिया ढिला हुदा २ हजार ३४० मतमात्रै खसेको थियो ।

को हुँन् कुमार पन्त ? 

सन् २००४ मा एनआरएन अभियानमा संलग्न भएका उनी अर्को वर्ष जर्मनीको हिस्सेन क्षेत्रका संयोजक भए ।सन् २००९–२०११ मा अन्तराष्ट्रिय समन्वय परिषद (आईसीसी) सदस्य भएसँगै युरोप क्षेत्रको संयोजकको जिम्मेवारी वहन गर्न पुगे ।

सन् २०१३–२०१५ मा महासचिव भए र २०१५ यता दुई कार्यकाल आईसीसी उपाध्यक्षको जिम्मेवारीमा छन । सन् १९७६ मा गोर्खाको फुजेलमा जन्मिएका उनी विद्यार्थीका रुपमा सन् १९९९ मा जर्मनी गएका थिए । समाजशास्त्रमा स्नातक पन्त जर्मनीको फ्र्यांकफर्टमा बस्छन ।उनी गैरआवासीय नेपाली संघ (एनआरएनए) अन्तराष्ट्रिय समन्वय परिषद् (आईसीसी) का उपाध्यक्ष हुन । उपाध्यक्षमा यो उनको दोस्रो कार्यकाल हो ।

उनको जर्मनी लगायत युरोपका विभिन्न देशमा होटलहरुमा लगानी छ । नेपालमा जलविद्युत परियोजना, बैंकिङ, रेमिट्यान्स, रियल स्टेट, सिमेन्ट उद्योग लगायतमा लगानी छ ।

प्रभात भट्टराई
अमेरिका
अमेरिकी राष्ट्रपति डोनाल्ड ट्रम्पविरुद्ध हाउस डेमोक्र्याटले महाअभियोग प्रक्रिया अघि बढाउने निर्णय गरेसँगै सरकार र यसका निकट व्यक्तिबारे एकपछि अर्को पोल खुल्न थालेका छन् । यसले ट्रम्प प्रशासनलाई थप अप्ठ्यारोमा धकेल्न थालेको छ ।
ट्रम्प लोकप्रिय रहेका राज्यमा २०२० मा पुनर्निर्वाचित हुन चुनाव लड्न लागेका केही सिनेटरबाहेक अरु रिपब्लिकन सिनेटरले ट्रम्पको बचाउ गरेका छैनन् । रिपब्लिकन स्रोत उद्धृत गर्दै विभिन्न सञ्चारमाध्यमले जनाएअनुसार आफ्नै दलका अधिकांश प्रभावशाली नेताहरु ट्रम्प र युक्रेन प्रकरणमा थप प्रमाणको प्रतीक्षामा छन् ।
अर्कोतिर ट्रम्प विरोधीहरु थप गोलबद्ध हुन थालेका छन् । उनकै प्रशासनमा काम गरेका पूर्व कर्मचारीले पनि पूर्व राष्ट्रपति रिचार्ड निक्सनको अवस्थाभन्दा अहिले ट्रम्प थप अप्ठ्यारोमा रहेको भन्दै टिप्पणी गर्न थालेका छन् ।
सप्ताहन्तमा केही सुनसान रहेको नयाँ घटना र मोडले सोमबार देखि फेरि तीव्रता पाएको छ । सोमबारको सबैभन्दा ठूलो स्कूपका रुपमा ट्रम्पले युक्रेनी समकक्षीलाई फोन गर्दाको साक्षी विदेशमन्त्री माइक पोम्पेओ पनि रहेको तथ्य वालस्ट्रिट जर्नलले प्रकाशित गरेको छ । पोम्पेओले गत साता मात्र एबीसी टेलिभिजनलाई दिएको अन्तरवार्तामा ट्रम्प र युक्रेनी राष्ट्रपति भोलोडिमिर जेलेन्स्कीसँगको टेलिफोन वार्ताबारे आफूलाई केही थाहा नभएको र सञ्चारमाध्यमबाट जानकारी पाएको बताएका थिए । टेलिफोनको साक्षी पोम्पेओ रहेको तथ्य वालस्ट्रिट जर्नलले प्रकाशित गरेसँगै सीएनएनले समेत आफ्नो स्रोतबाट पुष्टि गरेको छ ।
यति मात्र होइन ट्रम्पले अष्ट्रेलियन नेतालाई मुलर अनुसन्धानको आधार खोजीमा आफ्ना महान्यायधिवक्ता विलियम बारलाई सघाउन अनुरोध गरेको अर्को स्टोरी पनि सोमबार नै न्यूयोर्क टाइम्सले प्रकाशित गरेको थियो । एकपछि अर्को यस्ता भ्वाङ खुल्दै जाँदा ट्रम्प प्रशासन भने एकपछि अर्को ‘कन्स्पिरेसी थ्योरी’ अनुसारका प्रतिप्रचारमा व्यस्त छ । यतिसम्मकी आफूलाई महाअभियोग लगाएर हटाए अमेरिकामा गृहयुद्ध हुनेसम्मका ट्विट ट्रम्पले रिट्विट गरेका छन् । यस्तै आफू पदबाट हट्नुपर्ने कहिले सेयर बजार क्र्यास हुने त कहिले अर्थतन्त्र रसातलमा जाने जस्ता ट्विट गरेर ट्रम्पले अमेरिकी जनतालाई ‘ब्ल्याकमेलिङ’ पनि गरिरहेका छन् ।
ट्रम्पले युक्रेनी समकक्षीलाई अमेरिकाले दिने सैन्य सहयोगको बदलामा पूर्व उपराष्ट्रपति एवम् डेमोक्रेटिक नेता जो बाइडेनलाई अनुसन्धान गर्नुपर्ने शर्त राखेका थिए । ट्रम्प पक्षले भ्रष्टाचार निवारणका लागि उक्त प्रस्ताव राखेको र युक्रेनलाई कुनै दबाब नदिएको बताउँदै आएका छन् । तर, ह्वाइट हाउसले नै सार्वजनिक गरेको उनीहरुको संवादको विवरणमा ट्रम्पले प्रष्टरुपमा आफूलाई ‘सहयोग’ गर्न भनेका छन् । र, उक्त सहयोगस्वरुप बायडेनको छवि धमिल्याउने गरी अनुसन्धान थाल्नुपर्ने उल्लेख छ ।
युक्रेनका एक सरकारी अधिकारीलाई बाइडेनले उपराष्ट्रपति हुँदा भ्रष्टाचारको आरोपमा विश्व बैंक, युरोपेनी युनियन लगायत सबै दाताहरुले पदबाट हटाउन भनेका थिए । पश्चिमा आवाजको प्रतिनिधित्व गर्दै युक्रेनी सरकारलाई उक्त सूचना बाइडेनले दिएका थिए । ट्रम्प पक्षधरले बाइडेनको यही कदमलाई भ्रष्टाचारको आरोप लगाउँदै आएका छन् । तर, यसमा बाइडेनले गल्ती गरेको कुनै कानूनी आधार फेला परेको छैन ।
बाइडेन अहिले डेमोक्रेटिक राष्ट्रपतीय प्रत्यासीमा अग्रस्थानमा छन् । र, उनको लोकप्रियता ट्रम्पको भन्दा उच्च देखिएको छ । सोही कारण ट्रम्पले राजनीतिक प्रतिस्पर्धीलाई विदेशी गुहारेर तह लगाउने खोजेको मुख्य आरोप संसद्ले लगाएको छ । महाअभियोगका लागि उनीमाथिको सबैभन्दा बलियो आरोप यही हुनेछ किनभने अमेरिकामा आफ्नो राजनीतिक फाइदाका लागि विदेशी गुहार्नु गैरकानूनी हो ।
ट्रम्पविरुद्धको महाअभियोग हाउसबाट पारित भए सिनेटमा आफूले प्रस्तुत गर्नुको विकल्प नहुने मेजोरिटी नेता एवम् रिपब्लिकन सिनेटर मिच म्याकोनेलले आइतबार बताएका छन् । हाउसबाट पारित महाअभियोग प्रस्ताव सिनेटमा छिर्न दिने–नदिने अधिकार मेजोरिटी नेताको हातमा रहने गरेको छ । सिनेटमा यो प्रस्ताव छिरेमा त्यहाँ विस्तृत अनुसन्धान हुन्छ र अन्त्यमा दुई तिहाई सिनेटरले प्रस्तावको पक्षमा मतदान गरे राष्ट्रपति पदमुक्त हुन्छन् ।
निवर्तमान रिपब्लिकन सिनेटर जेफ फ्लेकले सोमबार नै आफ्ना पूर्व सहकर्मीहरुलाई सम्बोधन गर्दै यस पटक अन्तरआत्माको आवाज नमार्न सुझाव दिएका छन् । उनले ट्रम्पलाई पदच्यूत गर्न ३५ बढी रिपब्लिकन सिनेटरले भोट हाल्ने भविष्यवाणीसमेत गरेका छन् । अहिले सिनेटमा डेमोक्र्याटसँग ४७ भोट छ । २० जना रिपब्लिकन सिनेटरले भोट दिएमा ट्रम्प पदमुक्त हुनेछन् ।
युक्रेन प्रकरण सतहमा आएसँगै महाअभियोगलाई समर्थन गर्ने सर्वसाधारणको संख्या ह्वात्तै बढेको छ । सीबीएस न्यूजको सोमबार प्रकाशित सर्वेक्षणअनुसार ५५ प्रतिशत अमेरिकी ट्रम्पविरुद्ध सुरु भएको महाअभियोग अनुसन्धान अघि बढाउनु पर्ने बताएका छन् भने ४५ विपक्षमा छन् । यस्तै सीएनएनको सर्वेक्षणमा ४७ प्रतिशत अमेरिकीले ट्रम्पलाई पदच्यूत गर्नुपर्ने बताएका छन् । रसियन अनुसन्धान चर्र्किएको मौसम गत मेमा यो संख्या ४१ प्रतिशत मात्र थियो ।