मे २१ तारिक मंगलबारदेखि मे २७ तारिक सोमबारसम्म
मेष
साताको सुरुमा खिन्नता तथा लम्बा यात्राको योग रहेको छ । मध्यतिर धार्मिक, सामाजिक तथा यात्रातिर भने अधिक खर्च हुनेछ । अन्त्यसम्म प्रतिष्ठा बढ्ने र सोंचे–आँटेको काममा सफलता मिल्नेछ । शतर्कता अपनाउन सके धेरै खर्चबाट आफूलाई जोगाउन सक्नुहुनेछ ।
वृष
यो साता भागदौड तथा कार्य व्यस्तताले दुःख पाइनेछ । गलत सल्लाह र सुझाव दिने तथा भड्काउने व्यक्तिहरु बढी भेटिन सक्छन् । विचारै नगरिएको कामले हानि पु¥याउन सक्छ, स–साना कुरामा पनि रिस उठ्न जाँदा शत्रुहरु बढ्दै जानेछन् । त्यसैले धैरे रिस र वाणीलाई नियन्त्रण राख्न सके समस्या आफैँ टरेर जान सक्नेछन् ।
मिथुन
यो साता नोकरी, व्यापार–व्यवसायमा उन्नति, आर्थिक लाभ हुँदाहुँदै पनि सोंचेको काममा सफलता नमिल्न सक्छ । परिवार र साथीभाइबाट भने पूर्ण सहयोग प्राप्त हुनेछ । तर, साताको अन्त्यतिर शत्रुहरु बढ्नेछन् । अनावश्यक रिस र खर्च बढ्नुका साथै मन खिन्न रहनेछ । धैर्यता अपनाउन सके समस्याको समाधान आफैँ सुल्झिन सक्नेछ ।
कर्कट
खर्च अधिक भए पनि आम्दानी निकै बढ्नेछ, नोकरी तथा व्यवसायबाट प्रशस्त आम्दानीको योग छ । मनले चिताएका ठूलाठूला कामहरु बन्नेछन् । घर, जग्गा–जमिन तथा व्यापारमा लगानी हुन सक्छ तथा किनबेच आदि पनि हुन सक्छ । सही निर्णय लिएर राम्रो कामको थालनी यो सातामा गर्न सके भविष्य सफल हुनेछ ।
सिंह
साताको सुरुदेखि नै विभिन्न क्षेत्रमा राम्रो समय देखिन्छ । आफन्त र परिवारको सहयोगमा महत्वपूर्ण काममा सफलता मिल्नेछ । धन लाभको योग भएको हुँदा व्यापार तथा नोकरीमा उन्नति हुन सक्नेछ । नयाँ योजना बन्नेछन् र आँटेको काममा सफलता मिल्दै जानेछ । हिम्मत लिएर अगाडि बढ्न सके यो साता पूर्णरुपले सफल बन्नेछ ।
कन्या
साताको सुरुमा खर्च बढ्ने र अनावश्यक काममा समय बर्बाद हुनेछ । साझेदारी तथा साथीभाइमा विवाद बढ्न सक्छ । मानसिक तनाव, शारीरिक गड्बडी हुनुका साथै कामको जिम्मेवारी पनि अधिक बढ्न सक्नेछ, अन्त्यतिर धन कमाउने विभिन्न अवसरहरु प्राप्त हुनेछन् । स्वास्थ्यमा पनि बिस्तारै सुधार हुँदै जानेछ ।
तुला
साताको सुरुमा बढोत्तरी, मानसम्मानका साथै ऐश्वर्य बढ्नुका साथै काट्नेहरु पनि बढ्नेछन् । मध्य तथा अन्त्यतिर सामाजिक तथा पारिवारिक जिम्मेवारी बढ्न सक्छ । काममा पनि अनावश्यक विवाद बढ्ने र मनमुटाव पनि हुन सक्छ । धैर्यसाथ रिसलाई पनि नियन्त्रण राख्न सके बिस्तारै परिस्थितिको सामना गर्न सकिनेछ ।
वृश्चिक
साताको सुरुवातमा हानि, अनावश्यक वादविवादको योग रहेको हुँदा विशेष सावधानी अपनाउनु होला । बाहन चलाउँदा पनि सावधान रहनुहोला । मध्यतिर बिग्रेका काम बन्नेछन्, स्थितिमा सुधार हुनेछ तर पनि खर्च अधिक बढ्नेछ । अन्त्यतिर भने अत्यधिक तनाव बढ्ने हुँदा शान्त रहनाले पनि निकै फाइदाजनक रहनेछ ।
धनु
अस्वस्थताले काममा बाधा पुग्नेछ । धनमाल सुरक्षामा पनि विशेष सावधानी अपनाउनुहोला । मंगलबारदेखि स्थितिमा सुधार आउनाले विभिन्न अवसर प्राप्त हुनेछन् । सहयोगी जुट्नाले आँटेको काम बन्नेछ । मिहिनेतले नाम, दाम र इनाम हात पार्ने समय छ । मन मिल्ने साथी भेटिनुका साथै प्रेमको बन्धनसमेत कसिन सक्छ । नयाँ काम प्रारम्भ हुनेछ भने आफ्नो प्रसिद्धी पनि बढ्नेछ । आम्दानी बढ्नाले जीवनशैलीमा सुधार ल्याउन सकिनेछ ।
मकर
सुरुमा विशेष अवसर जुट्नुका साथै पछिसम्म फाइदा हुने काम प्रारम्भ हुन सक्छ । आम्दानीका स्रोतहरू बढ्नेछन् । मंगलबारदेखि खर्चको योग देखिए पनि पछिका लागि लगानी गर्ने समय छ । लामो यात्रा गर्ने अवसर भने प्राप्त हुनेछ । विदेश यात्राको अवसर प्राप्त हुन सक्छ । अन्त्यतिर स्वास्थ्यमा गड्बडी देखापर्ने समय रहेकाले खानपानमा सजग रहनुहोला ।
कुम्भ
राजनीतिक कार्यमा सफलता मिल्नेछ । प्राविधिक काममा प्रगति हुनेछ । मित्र तथा मान्यजनको सहयोग मिल्नेछ । धन लाभको योग भएको हुँदा व्यापार तथा नोकरीमा उन्नति हुनेछ । प्रेमसम्बन्ध तथा राजनीतिका लागि पनि यो समय श्रेष्ठ रहेको छ ।
मीन
सुरुमा केही अवरोध भए तापनि अन्त्यसम्म सफलता मिल्नेछ । आफन्त र परिवारको सहयोगमा महत्वपूर्ण काममा सफलता मिल्नेछ । सामाजिक प्रतिष्ठा बढ्नेछ । अन्त्यतिर धन लाभको योग देखा परेको छ । सोंचेको, आँटेको काममा सफलता मिल्नेछ ।
