काठमाडौं । कोरोना भाइरसविरुद्ध चीनले नेपाललाई भरपुर सहयोगको आश्वासन दिएको छ । नेपालका लागि चिनियाँ राजदूत होउ यान्छीले ट्विट गर्दै नेपाललाई हतोत्साही नहुन आग्रह गरेकी छिन् ।
आवश्यक स्वास्थ्य सामग्री चीनले नेपाललाई उपलब्ध गराउँदैछ । यसका लागि विशेष विमानहरु ल्याउने तयारी समेत भइरहेको छ ।
नेपालमा आइतबार मात्र थप एक कोरोना संक्रमित पुष्टी भएको थियो । कोरोना संक्रमित एक बिरामी भेटिएको पुष्टि भएलगत्तै नेपालमा मानिसहरु त्रासमा छन् । सरकारले नेपाललाई आजबाट पुरै लकडाउन गरेको छ ।
राजदूत यान्छीले यस अवस्थामा चीन नेपालको साथ मै रहेको बताएकी हुन् । उनले नेपालको लागि चीनले प्रार्थना गरिरहेको समेत उल्लेख गरेकी छिन् ।
चिकित्सा सामग्रीहरूको सहयोगका लागि चीनले प्रयास गरिरहेको उनको भनाई रहेको छ । गत डिसेम्बर अन्तिम साता चीनको हुबेई प्रान्तबाट सुरु भएको कोरोना भाइरसको त्रासबाट चीन अब माथि उठिसकेको छ ।
तर, विश्वभर यसको त्रास अभ बढिरहेको छ । चीनमा ३ हजार २ सय ७७ मानिसको ज्यान गएको थियो ।
तर, अहिले मृत्युदर र नयाँ बिरामी देखिने क्रमश करीव शून्यमा झरिसकेको छ । चीन आफू कोरोनाबाथि माथि उठेपछि विश्वका अन्य प्रभावित मुलुकलाई सहयोगमा निरन्तर जुटिरहेको छ ।
