Author: Vishwanews.com

काठमाडौं । प्रधानमन्त्री केपी शर्मा ओलीले प्रतिनिधिसभाको बैठकमा आज सम्बोधन गर्दैछन् । दिउँसो २ बजे संसदमा सम्बोधन गर्ने तय भएको प्रधानमन्त्री कार्यालयले जनाएको छ ।

सरकार गठन भएको दुई वर्ष पुगेको छ । यस उपलक्ष्यमा सरकारका कामको बचाउ र प्रचार गर्ने उद्देश्यले प्रधानमन्त्रीले संसदमा सम्बोधन गर्न लागेका हुन् । पछिल्लो समय सरकारका कामबाट प्रधानमन्त्री स्वयमः संतुष्ट छैनन् ।

ओलीले नेतृत्व गरेको सरकार गठनको ३ फागुनमा ठ्याक्कै एक वर्ष पुग्छ ।

विभिन्न कोणबाट अहिले सरकारका कामको समिक्षा भइरहेको छ । तर, बाचा गरेनुसार कार्यप्रगति नभएको पछि नागरिक स्तरमा सरकारको आलोचना समेत उत्तिकै भइरहेको छ ।

सम्बोधनमा प्रधानमन्त्रीले सरकारका कामकारबाही र समसामयिक घटनाक्रमका बारेमा सरकारको धारण राख्ने भएका छन् ।

सल्यान । सल्यानमा हतियार बोकेको सेनाको ट्रक दूर्घटना भएको छ । दूर्घटनामा एक जनाको ज्यान गएको छ ।

सल्यानको कपुरकोट ३ चोरखालामा नेपाली सेनाको ट्रक दुर्घटनामा परेको प्रहरीले जनाएको छ ।

दुर्घटनामा जमदार यादवप्रसाद घरेलको मृत्यु भएको जिल्ला प्रहरी कार्यालय सल्यानले जानकारी दिएको छ । दुर्घटनामा मेजर ईश्वर सिलवाल, सिपाही विशाल गुरुङ, रेशम हिटन मगर, विपिन श्रेष्ठ, हवल्दारद्वय जय प्रकाश बोहरा र मोहन थापा गम्भीर घाइते रहेको प्रहरीले जनाएको छ ।

तिब्र गतिमा रहेको सेनाको ट्रक सडकबाट ५ सय मिटर तल खसेको प्रहरीले बताएको छ। ट्रकमा ७ जना सवार रहेको प्रहरीको भनाई छ ।

घाइते सैनिकहरु थप उपचार गर्न सेनाकै हेलिकप्टरबाट काठमाडौं पठाइएको छ ।

सल्यानको सवुज गणबाट बुटवलतर्फ हातहतियार र विष्फोटक पदार्थ लगेर जाँदै गरेको लु १ ग १२३ नम्बरको ट्रक बुधबार दूर्घटनामा परेको हो ।

काठमाडौं । नेपाल प्रहरीको सर्वोच्च पद प्रहरी महानिरीक्षक (आईजीपी)मा ठाकुर ज्ञवाली नियुक्त भएका छन् ।

अत्यन्तै कम प्रोफाइलमा बसेर इमानदारीसाथ काम गरेका ज्ञवालीलाई मन्त्रीपरिषद्को मंगलबार बसेको बैठकले आइजीपी बनाएको हो ।

सर्वेन्द्र खनालको कार्यकाल सकिएसँगै उनी नेपाल प्रहरीको शक्तिशाली प्रमुख पदमा आइपुगेका हुन् ।

ज्ञवाली निर्विवाद रुपमा आईजीपी बनेका छन् । ज्ञवालीले आगामी ५ महिना यो पद सम्हाल्नेछन् ।

त्यसपछि नियमित अवकास पाएर उनी प्रहरी प्रशासनबाट बिदा हुनेछन् ।

यस पटक भने प्रहरी प्रमुखको पदमा बीना कुनै विवाद नियुक्त भएपछि विवादमुक्त प्रहरी प्रशासन हुनेमा आशा पलाएको छ ।

सेवाहदका कारण अनिवार्य अवकाश पाएर सोमबार सर्वेन्द्र खनाल महानिरीक्षकबाट बिदा भएका हुन् ।

ज्ञवाली २८ औं आईजीपी नियुक्ति भएका हुन् । प्युठानको साविक बादीकोट गाविस हाल झिम्रुक गाउँपालिका–१० मा जन्मिएका ठाकुर मध्यमवर्गीय परिवारका सदस्य हुन् । उनी २७ असार २०४७ सालबाट प्रहरी पेशामा छिरेका थिए ।

काठमाडौं । पूर्वसचिव अर्जुन कार्कीकी पत्नी मुना कार्कीको हत्या भएको छ । ललितपुर सानेपास्थित घरमै उनको सोमबार हत्या भएको हो ।

उनको घरमा काम गर्ने कामदार विजय चौधरीले समेत घरमै झुण्डिएर आत्महत्या गरेका छन् ।

कार्कीको हत्या चौधरीले नै गरेको र त्यसपछि आत्महत्या गरेको प्रहरीले निष्कर्ष निकालेको छ । कार्कीको निवासमा जडान गरिएको सीसीटीभी क्यामराको फूटेजमा चौधरीले कार्कीको घाटीमा समातेको देखिएको प्रहरीले जनाएको छ ।

चौधरीले शुरुमा पिर्काले हिर्काएर भुईमा ढलाएको र त्यसपछि कपालमा समातेर भूईमा टाउको बजारेर विभत्स हत्या गरेको प्रहरीले जनाएको छ ।

कार्कीलाई हत्या गरिसकेपछि चौधरी स्वयमले आत्महत्या गरेको प्रहरीले जनाएको छ ।

२२ वर्षीय विजय चौधरीले मुनाको हत्यापछि झुण्डिएर आत्महत्या गरेका हुन् । भान्छा छेऊ रहेको क्लोज सर्किट (सीसी) क्यामराको दृश्यबाट कामदारले नै हत्या गरेको निष्कर्षमा प्रहरी पुगेको छ ।

तर, कारणबारे भने खुलेको छैन । चौधरीलाई कार्की परिवारले सानैदेखि घरमा राखेर पालेर हुर्काएको पाइएको छ ।

प्रहरीका अनुसार घटना हुँदा पूर्वसचिव कार्की भने घरमा थिएनन् । उनी बिहानै पशुपतिनाथ दर्शनमा निस्किएका थिए ।

फर्किएर घरमा आउँदा श्रीमती मुना अचेत अवस्थामा रत्ताम्य फेला परेकी थिइन् भने कामदार विजयले आत्महत्या गरेको देखेपछि उनले प्रहरीलाई खबर गरेका थिए ।

प्रहरीले तत्काल मुलालाई अस्पताल पुर्याएपनि चिकित्सकले मृत घोषणा गरेका थिए । घटनाबारे थप अनुसन्धान जारी राखेको प्रहरीले जनाएको छ ।