ललितपुर । ललितपुर महानगरपालिकाले घर नम्बर प्रविधिमा आधारित भएर राख्ने भएको छ । त्यसका लागि वडा नं ३ बाट मेट्रिक ठेगाना प्रणाली अनुसार घर नम्बर राख्ने काम शुरु भएको हो ।
मेयर चिरिबाबु महर्जनले मङ्गलबार तीन वटा घर नं राख्दै यस कामको शुरुवात गरे ।
उनले ‘१८७३ सत्यमोहन जोशी मार्ग’ महानगरपालिकाको कार्यालयमा, ‘२९१ पुल्चोक झम्सीखेल मार्ग’ वडा नं ३ को कार्यालयमा र ‘३५ भनीमण्डल मार्ग’ लेखेको प्लेट सेन्टमेरिज विद्यालयको गेटमा टाँसेका थिए ।
वडा नं ३ मा पाँच हजार घरधुरी छन् । अहिले परियोजनाका रूपमा एक हजार घरमा नम्बरप्लेट राखिने भएको छ ।
यस्तो घर नम्बर प्रविधिमा आधारित भएको र यसले सजिलै घर नम्वर पत्ता लाग्ने बताइएको छ ।
स्मार्ट सीटीको अवधारण अनुसार मेट्रिक प्रणालीमा आधारित घर नम्बर राख्न लागिएको हो ।
ललितपुर महानगरपालिमा मात्र ८८ हजार घर रहेको अनुमान छ । त्यसमध्ये ५८ हजार ४२३ आवासीय अन्य करीब ३० हजार रहेका छन् ।
नम्बरप्लेट राख्न घरजग्गाको कर तिरेको प्राधवान हुनुपर्ने नियम छ । प्रतिनम्बरप्लेट १ हजार रुपैयाँ लिएर महानगरले घर नम्बर जडान थालेको हो ।
