काठमाडौं । नेपालमा मानिसबाट कोरोनाको संक्रमण नभित्रियोस भन्ने उद्देश्यले त्रिभुवन विमानस्थलसहित सीमा नाकामा कडा निगरानी अपनाइएको छ । उच्च ज्वरो आएका मानिसलाई नाका प्रवेश मै रोकिएको छ ।
तर, पशुबाट पनि यसको संक्रमण छिर्न नदिने अब पूर्वनिगरानी गरिने भएको छ । कोरोना भाइरसको जोखिम नियन्त्रण गर्न पशु सेवा विभागले पूर्व निगरानी तथा अध्ययन कार्यदल गठन गरेको जानकारी दिएको छ ।
कृषि तथा पशुपंक्षी विकास मन्त्रालयका अधिकृतसमेत रहेको कार्यदलले कोराना रोग पहिचान प्रयोगशालालाई सक्रिय बनाउने छ ।
पशुपंक्षीका कारण यो रोग भित्रिन नदिन निगरानी गरिने विभागले जनाएको छ । यो रोग पशुपंक्षीबाटै मानिसमा सरेका विश्व स्वास्थ्य संगठनले पुटी गरेको छ । यद्दपी कुन पशु वा पंक्षीबाट सरेको भन्ने खुलाइएको छैन ।
चीनमा चमेराबाट यो रोग सरेको आंशका छ । पशुपन्छीमा भइरसको संकमण भए नभएको जाँच गर्ने तथा नेपाल भित्रिने पशुपंक्षीजन्य वस्तुमा कडा निगरानी गर्न कार्यदल सक्रिय हुने भएको छ ।
देशभर रहेका पशु क्वारेन्टाइन कार्यालयलाई स्वस्थता जाँच प्रमाण पत्र बिना आयात भएका वस्तु नष्ट गर्न समन्वय समेत गर्ने छ ।
जहाजबाट आउने पशुपन्क्षी तथा मासुजन्य पदार्थ बोकेर आउने यात्रुको जाँचका लागि नागरिक उड्ययन प्राधिकरणसँग यस कार्यदलले समन्वय गर्नेछ ।
