Author: Vishwanews.com

काठमाडौं । आगामी १४ मंसिरमा उपनिर्वाचन हुँदैछ । उक्त निर्वाचनको तयारीमा निर्वाचन आयोगदेखि राजनीतिक दलसम्म होमिएका छन् । सोही निर्वाचनलाई लक्षित गरी निर्वाचन आयोगले आचार संहिता लागु लागेको छ ।

उपनिर्वाचनका लागि केन्द्र, प्रदेश र स्थानीय सरकारलाई शुक्रबारदेखि निर्वाचन आचार संहिता लागू भएको आयोगले जानकारी दिएको छ ।

आयोगले केन्द्र सरकार, प्रदेश सरकार, स्थानीय सरकार, राजनीतिक दल, उम्मेदवार, सञ्चार माध्यम लगायतले यो आचार संहिता पालना गर्नुपर्ने उल्लेख गर्दै सूचना जारी गरेको हो ।

आयोगका अनुसार निर्वाचन नसकिएसम्मै अब केन्द्र सरकार, प्रदेश सरकार र स्थानीय सरकारले निर्वाचन प्रचार प्रसारका कार्यक्रम गर्न पाउने छैन ।
चुनावका लागि भवन, सवारी साधन, अन्य सामग्रीको प्रयोग गर्न नपाउनृ गरी तोकिएको छ । सरकारी कार्यालयमा नयाँ पद सिर्जना, विज्ञापन, सुविधा वृद्धि र पुरस्कार दिन नपाइने छैन ।

सरुवा बढुवा गर्न र काज खटाउन नपाइने, विदेश भ्रमणमा जान नहुने समेत आयोगको आचार संहितामा उल्लेख छ । उमेदवारले निर्वाचन आयोगले तोकेको मापदण्ड भित्र रहेरै प्रपार प्रसार गर्नुपर्छ ।

त्यसको पनि अन्तिम समय आयोगले तोक्छ । त्यसपछि भने प्रचार प्रसारको काम पनि गर्न पाइदैन । करीव ५० तहमा आगामी १४ मंसिरमा उपनिर्वाचन हुँदैछ ।

विभिन्न समयमा खाली भएको पदहरुमा निर्वाचन हुन लागेको हो । संघमा पूर्वपर्यटन मन्त्री रवीन्द्र अधिकारीको स्थानमा उपनिर्वाचन हुनेछ ।

काठमाडौं । प्रधानमन्त्री केपी शर्मा ओली आजदेखि वैदेशिक भमणमा सिलसिलामा अजरबैजान जाँदै छन् । असंलग्न राष्ट्रका प्रमुखहरूको १८ औं शिखर सम्मेलनमा भाग लिन प्रधानमन्त्री अजरबैजानको बाकुतर्फ जान लागेका हुन् ।

उनी बिहान ११ बजे कतार एयरवेजमार्फत उक्त मुलुक प्रस्थान गर्नेछन् । यससँगै प्रधानमन्त्रीले आफ्नो पछिल्लो कार्यकालमा करीव १ दर्जन मुलुकको भ्रमण पुरा गरेका छन् ।

प्रधानमन्त्रीका साथमा पत्नी राधिका शाक्य, प्रधानमन्त्रीका प्रमुख राजनीतिक सल्लाहकार विष्णु रिमाल, प्रधानमन्त्रीका परराष्ट्र सल्लाहकार राजन भट्टराई, परराष्ट्रका सचिव शंकरदास बैरागीसहितको टोली सहभागी छ ।

परराष्ट्रमन्त्री प्रदीपकुमार ज्ञवाली बाकुमा पुथिसकेका छन् । प्रधानमन्त्री आइतबार स्वदेश फर्कने भएका छन् । उता, म्यानमार र जापान भ्रमण सकेर राष्ट्रपति विद्यादेवि भण्डारी स्वदेश फर्किएकी छिन् । उनी जापानबाट चीन हुँदै नेपाल आएकी हुन् ।

काठमाडौं । यौन दुर्व्यवहारको आरोप लागेका पूर्व सभामूख कृष्णबहादुर महरालाई ५ दिन हिरासतमा राखेर अनुसन्धान गर्न अदालतले आदेश दिएको छ ।

काठमाडौं जिल्ला अदालतका न्यायाधीश बाबुराम सुवेदीको इजलासले २ कात्तिकबाट लागु हुने गरी ५ दिन थुनामा राख्न आदेश दिएको हो । अब प्रहरीले थप अनुसन्धानका लागि उनलाई थुनामै राख्न सक्नेछ । म्याद थपका लागि अदालत पेश भन्दा अघि उनको सरकारी वकिलको कार्यालयमा बयान लिइएको थियो ।

बयानमा महराले आफूमाथिको अभियोग अस्वीकार गरेको बताइएको छ । पीडित भनी सार्वजनिक भएकी महिलासँग पारिवारिक सम्बन्ध रहेपनि उक्त दिन भने आफू नगएको र जाँदै नगएपछि बलत्कारको प्रयास हुने कुरै नभएको उनको दावि रहेको छ ।

पीडित भनिएकी महिलाबाटै आफूमाथि बलात्कार प्रयास नभएको भनी वयान आइसकेको अवस्थामा आफूले थप स्पष्टिकरण दिनु नपर्ने उनको बयान छ । त्यसो त आरोप लगाउने महिलाले पनि प्रहरीले करकापमा आफूलाई उजुरी दिन लगाएको भन्दै महराबाट आफूमाथि बलत्कारको प्रयास नभएको बताएकी छिन् ।

महरामाथि संसद सचिवालयमा कार्यरत रोशनी शाहीले यौन दुर्व्यवहारको आरोप लगाएकी थिइन् । उनले एक अनलाइनमा भिडियो अन्तर्वार्ता दिँदै उक्त आरोप लगाएकी थिइन् ।

तर, उक्त वयान फेर्दै उनले महरा आफ्नो बुबाजस्तो भएकाले कुनै बलत्कारको प्रयास नभएको उल्टो आफ्नो मानसिक अवस्थाको फाइदा उठाउँदै यस्तो आरोपबारे बोल्न लगाइएको उनको भनाई थियो । अदालतमा समेत उनले सोही प्रकृतिको बयान दिएकी छिन् । महरा १९ असोजमा पक्राउ परेका हुन् ।

काठमाडौं राष्ट्रपति विद्यादेवी भण्डारी राजकीय भ्रमणका सिलसिलामा जापान प्रस्थान गर्ने भएकी छिन् । अहिले म्यानमारमा रहेकी राष्ट्रपति सोही मुलुकबाट आइतबार जापान जाने कार्यक्रम रहेको परराष्ट्र मन्त्रालयले जानकारी दिएको छ ।

उनी जापानी नरेशको राज्याभिषेक कार्यक्रममा सरिक हुन जापान जान लागेकी हुन् । कार्यक्रममा विश्वभरबाट नेताहरुलाई आमन्त्रण गरिएको छ । राष्ट्रपतिको ५ दिने राजकीय भ्रमण पूरा भएको छ ।

उनी २९ असोजमा म्यानमार पुगेकी थिइन् । आइतबारदेखि ५ कात्तिकसम्म जापान भ्रमण हुने मन्त्तालयले जानकारी दिएको छ ।

राष्ट्रपतिको टोलीमा परराष्ट्रमन्त्री प्रदीपकुमार ज्ञवाली, परराष्ट्र सचिव शङ्करदास वैरागी, राष्ट्रपति कार्यालयका सचिव डा हरि पौडेल, राष्ट्रपतिका प्रमुख स्वकीय सचिव डा भेषराज अधिकारी तथा परराष्ट्र मन्त्रालय र राष्ट्रपति कार्यालयका उच्चपदस्थ अधिकारीलगायत सहभागी छन् ।