Author: Vishwanews.com

काठमाडौं । यौन दुर्व्यवहारको कसुरमा उजुरी दिने हदम्याद पूर्ण रुपमा हटाउन माग गर्दै राष्ट्रिय सभामा संकल्प प्रस्ताव दर्ता भएको छ ।

शुक्रबार संसद् सचिवालयमा दर्ता भएको प्रस्तावमा बालबालिकाबाहेक अन्यको हकमा समेत बलात्कार मुद्दामा उजुरी दिने हदम्यादको व्यवस्था पुनरावलोकन र पुनर्विचार गरी आवश्यक संशोधन गर्नुपर्ने माग गरिएको छ ।

विभिन्न दल र स्वतन्त्र सांसदको समर्थनमा नेपाली कांग्रेसकी सांसद कमला पन्तले संसद् सचिवालयमा शुक्रबार संकल्प प्रस्ताव दर्ता गराएकी हुन् । प्रस्तावको समर्थकहरुमा एमाले सांसद बिमला राई पौड्याल, प्रमिलाकुमारी यादव, बिमला घिमिरे, मदनकुमारी शाह ९गरिमा०, शेखरकुमार सिंह, गंगाकुमारी बेल्वासे र तुलप्रसाद विश्वकर्मा रहेका छन् ।

समाजमा बालबालिकाविरुद्ध यौन हिंसाका घटनाहरु बढिरहेको, डर त्रास, लोभलालच वा विभिन्न शारीरिक र मानसिक अवस्थाका कारण समयमै उजुरी दिन नसकेको र उजुरी दिन सक्षम भइसक्दा हदम्यादका कारण पीडितले न्याय नपाउने, पीडकले उन्मुक्ति पाउने अवस्था देखिएकाले ऐन पुनरावलोकनका लागि प्रस्ताव ल्याइएको संकल्पमा उल्लेख गरिएको छ ।

काठमाडौं । नेकपा (एमाले)ले फेरि संसदमा अवरोध गरेको छ । शुक्रबार बसेको संसद बैठकमा उद्योग वाणिज्य तथा आपूर्ति मन्त्री दिलेन्द्र बडुले एमाले अध्यक्ष केपी शर्मा ओलीले दिएको अभिव्यक्तिमाथि आलोचनात्मक टिप्पणी गरेको विरोधमा एमालेले संसद अवरोध गरेको हो ।

बैठकमा विशेष समय लिएर बोलेका कानुनमन्त्री बडूले प्रमुख प्रतिपक्षी दलका नेता केपी शर्मा ओलीले नीति तथा कार्यक्रममाथि छलफलका क्रममा दिएको अभिव्यक्तिलाई स्तरहीन भनेका थिए ।

लगतै एमाले सांसद खगराज अधिकारीले नियमापत्ति गरे । सभामुखले आफ्नो ध्यानाकर्षण भएको बताएपछि उद्योगमन्त्री बडूले आफ्नो सम्बोधन जारी राखे ।

आयल निगमलाई निजीकरण गर्न लागिएको भन्दै अध्यक्ष ओलीले बिहीबारको बैठकमा सरकारको आलोचना गरेका थिए ।

मन्त्रीको बडुले अध्यक्ष ओलीको विषयमा टिप्पणी गर्दै गर्दा एमाले सांसदहरुले सुरुमै नियमापत्ति गरेका थिए । एमाले सांसद खगराज अधिकारीले मन्त्री बडुको अभिव्यक्ति संसद रेकर्डबाट हटाइनुपर्ने माग गर्दै छानबिन समिति गठनको माग गरेका थिए ।

मागलाई अध्ययन गर्ने सभामुखको अभिव्यक्ति पछि पनि एमाले सांसदहरुले संसदमा होहल्ला गरिरहे । एमालेका सांसदहरुले मन्त्री बडुले बोलेको शब्द आपत्तिजनक भएको भन्दै नहटाएसम्म संसद चल्न नदिने चेतावनी दिए । एमालेको निरन्तर अवरोध पछि सभामुखले संसद बैठक केहीबेरका लागि स्थगित गरेका छन् ।

सभामुख अग्निप्रसाद सापकोटाले संसदीय मूल्य तथा मान्यताभन्दा बाहिर गएर बोलिएका अमर्यादित शब्द हटाउन सचिवालयलाई निर्देशन दिएका छन् ।

प्रतिनिधिसभाको आजको बैठकमा उद्योग वाणिज्य तथा आपूर्तिमन्त्री दिलेन्द्रप्रसाद बडूले सार्वजनिक विषयमा जानकारी गराउने क्रममा अमर्यादित शब्द परेको भन्दै प्रमुख विपक्षी दल नेकपा (एमाले)का सांसदले आपत्ति जनाएका थिए ।

सभामुख सापकोटाले संसदीय मूल्य तथा मान्यताभन्दा बाहिर गएर प्रस्तुत गरिएको शब्द हटाउन निर्देशन दिएपछि प्रतिनिधिसभाको बैठक पुनः सुरु भएको छ ।

काठमाडौं । शेयर बजार दोहोरो अंकले घटेको छ । साताको कारोबारको अन्तिम दिन शेयर बजार मापक सूचक (नेप्से)१९.२७ अंकले घटेर २२२०.३३ विन्दुमा झरेको छ ।

नेपाल स्टक एक्सचेन्जका अनुसार शुक्रवार २२३ कम्पनीको १ अर्ब २९ करोड ८९ लाख ५ हजार ५८९ रुपैयाँ बराबरको ४१ लाख ४० हजार ६६५ कित्ता शेयर किनबेच भएका छन् ।

अघिल्लो दिनको तुलनामा कारोबार रकममा भने सुधार आएको छ । ८८ करोड ८७ लाख ८१ हजार ९०७ रुपैयाँ बराबरको कारोबार भएको थियो ।

यद्यपि कारोबार दिनहुँ घटेकोले लगानीकर्ताहरु पर्ख र हेरको रणनीतिमा रहेका छन् ।

आज कारोबारमा आएका १३ समूह मध्ये १२ वटाको परिसूचक राताम्मे भएका छन् । भने एक वटाको बढेको छ । एक कम्पनीको शेयरमूल्यमा ६ प्रतिशत भन्दा बढीको वृद्धि भएको छ । रुरु जलविद्युत परियोजनाको शेयरमूल्य ६.१३ प्रतिशतले बढेरको छ ।

कारोबारको आधारमा आज सबैभन्दा बढी प्रभु बैंकको प्रमोटर शेयरको भएको छ । यस कम्पनीको आज १७ करोड ६० लाख भन्दा बढीको कारोबार भएको छ ।

त्यस्तै, आज दिव्याश्वरी हाइड्रोपावर, हिमाल दोलखा हाइड्रोपावर कम्पनी, कर्णाली डेभलपमेन्ट बैंक, अप्पर तामाकोशी हाइड्रोपावर, लिवर्टी इनर्जी कम्पनी, युनाइटेड मोदी हाइड्रोपावर र साम्लिङ पावर कम्पनीका लगानीकर्ताहरुले सर्वाधिक गुमाएका छन् । यस कम्पनीको शेयरमूल्य आज ३ प्रतिशत भन्दा बढीले घटेको छ ।

काठमाडौं । निर्वाचनको स्वच्छतामा आँच आउने काम भएको भन्दै निर्वाचन अयोगले बाजुराका प्रमुख जिल्ला अधिकारी , नेपाल प्रहरी र सशस्त्र प्रहरीका जिल्ला प्रमुखलाई तीन दिनभित्र हटाइ अरू कर्मचारी पठाएर बुढिगंगा नगरपालिकामा पुनः निर्वाचन गर्न सरकारलाई निर्देशन दिएको छ । यससँगै बाजुराको बूढीगङ्गा नगरपालिकामा पुनः मतदान हुने भएको छ । वैशाख ३० गते भएको पालिका चुनाव निष्पक्ष नभएको ठहर गर्दै निर्वाचन आयोगले यस्तो निर्णय गरेको हो ।

बिहीवार विज्ञप्ति निकालेर आयोगले वैशाख ३० गते भएको चुनाव रद्द गर्दै फेरि मतदान गर्ने निर्णय गरेको जानकारी दिएको छ । त्यहाँ खटिएका अधिकारीहरुलाई निर्वाचन कसुरअनुसार विभागीय कारबाही गरी आयोगलाई जानकारी दिन समेत सरकारलाई निर्देशन दिएको पनि निर्वाचन आयोगको विज्ञप्तिमा उल्लेख छ । बुढीगङ्गा नगरपालिकामा दश वटा वडामध्ये ६ वटा वडामा विवाद छ ।

काठमाडौं । सशस्त्र प्रहरीका पूर्व डीआईजी रञ्जन कोइरालाको सजाय घटाउने फैसला सर्वोच्चले उल्टाएको छ ।

दुई वर्षअघि निलम्बित प्रधानन्यायाधीश चोलेन्द्रशम्सेर जबरा र न्यायाधीश तेजबहादुर केसीको इजलासको कोइरालाको कैद मिनाहाको फैसला उल्ट्याएको हो ।

कामू प्रधानन्यायाधीश दीपककुमार कार्की, न्यायाधीशहरु टंकबहादुर मोक्तान र डा। कुमार चुडालको पूर्ण इजलासले यसअघि सर्वोच्च अदालतको संयुक्त इजलासले गरेको फैसाला उल्टाउने निर्णय गरेका हुन् ।

पूर्ण इजलासको यो फैसलापछि कारागारबाट रिहा भएका कोइराला अब करिब साढे ११ वर्ष कैद बस्नुपर्नेछ । उनी अहिलेसम्म साढे ८ वर्षमात्र कैद बसेका छन् ।

कानून अनुसार जन्मकैदको सजाय हुदा २० वर्ष कैद बस्नुपर्ने थियो । सर्वोच्चले यसअघि साढे ८ वर्ष कैद बसेका कोइरालाको बाकी साढे ११ वर्ष कैद मिनाहा गरेको थियो ।

काठमाडौं । जनकपुरधाम उपमहानगरपालिकाका नवनिर्वाचित प्रमुख मनोज साहको सपथग्रहण समारोहमा नेपाली कांग्रेसका पूर्वसभापति विमलेन्द्र निधिलाई प्रमुख अतिथि बनाएपछि नेकपा एमालेबाट निर्वाचित जनप्रतिनिधिहरूले कार्यक्रम बहिष्कार गरेका छन् ।

एमालेबाट निर्वाचित ७ वटा वडाध्यक्ष र २९ वटा सदस्यले सपथग्रहण कार्यक्रम सामूहिकरूपमा बहिष्कार गरेका छन् । संयुक्त विज्ञप्ति जारी गर्दै एमाले जनप्रतिनिधिले निधिलाई प्रमुख अतिथि बनाएकाले सपथग्रहण समारोहमा उपस्थित हुन असमर्थ भएको उल्लेख गरेका छन् ।

‘सपथग्रहण समारोहमा प्रधानमन्त्री, मुख्यमन्त्री, मन्त्री वा नेपाल सरकारका कुनै तहका कर्मचारीलाई प्रमुख अतिथि बनाएको भए आपत्ति थिएन’, विज्ञप्तीमा भनिएको छ ।

कांग्रेसबाट टिकट नपाएपछि नगर सभापतिबाट राजीनामा दिएर साह स्वतन्त्र उम्मेदवार बनेका थिए । स्वतन्त्र उम्मेदवारी दिएका उनले चुनावपछि पनि स्वतन्त्र रहने बताएका थिए । तर, निर्वाचित भएपछि अब कांग्रेसमै रहने साहले बताउन थालेपछि उनी विवादमा तानिएका छन् ।

काठमाडौं । नेकपा एकीकृत समाजवादीका नेता झलनाथ खनालले जनताहरुमा राजनीतिक वितृष्णा बढ्दै गएको बताएका छन् ।

सरकारको नीति तथा कार्यक्रममाथि प्रतिनिधिसभामा सुरु भएको छलफलमा बोल्दै पूर्वप्रधानमन्त्री समेत रहेका खनालले मुलुकमा धेरै बालेनहरु जन्मिएर उनीहरुले राज्य गर्ने र राजनीतिक पार्टीहरू समाप्त भएर जाने चेतावनी दिए ।

‘यदि त्यो ढंगले अगाडि बढ्न सकेनौ भने हामी इतिहासमा पछाडि छोडिँदै जान्छौ । र धेरै बालेनहरु जन्मनेछन् । बालेनहरुले राज्य गर्नेछन्, पोलिटिकल पार्टीहरूको अस्तित्व र उपादेयता समाप्त हुनेछ’, खनालको भनाइ छ ।

‘संविधानले मार्गदर्शन गरेबमोजिम अगाडि बढ्नु अनिवार्य छ,’ खनालले भने, ‘यदी त्यो ढंगले अगाडि बढ्न सकेनौँ भने हामी इतिहासमा पछाडि छोडिँदै जान्छौँ।’

काठमाडौं । अमेरिकी म्यागजिन ‘फोर्ब्स’ ले प्रभावशाली व्यक्तिहरूको सूची सार्वजनिक गरेको हो ।

फोर्ब्सले सार्वजनिक गरेको ३० वर्षमुनिका ३० जना एसियाली युवाहरूको सूचीमा पाँच जना नेपाली समेटिएका छन् ।

फोर्ब्सको सूचीमा समेटिएकाहरूमा एक महिलासहित पाँच जना छन् । ऐश्वर्य रानी सिंह, सुजित पाठक, सुमित दाहाल, निरज काफ्ले र सन्तोष पाण्डे यो सूचीमा समेटिएका हुन् ।

इनग्रेल नेपालका सह संस्थापकसमेत रहेका २९ वर्षिय सुजित पाठक कञ्जुमर टेक्नोलोजीबाट यो सूचीमा पर्न सफल भएका हुन् । इनग्रेल नेपालले नेपालका आठ सय भन्दा बढी विद्यालयमा डिजिटल सहायता पुर्याइसकेको छ ।

अर्का २७ वर्षिय युवा सुमित दाहाल नासा गोडार्ट स्पेस फ्लाइट सेन्टरका एक्सपेरिमेन्टर एस्ट्रोफिजिसिस्ट र पोस्टडक्टरल हुन् । उनले ब्रह्माण्डको उत्पत्ति र विकासको अध्ययनका लागि टेलिस्कोप निर्माण गरेका छन् ।

नीरज काफ्ले र सन्तोष पाण्डे काठमाडौंमा उपहार र सरप्राइज प्याकेज डेलिभरी गर्दै आएको अफरिङ ह्यापिनेसका संस्थापकहरू हुन् । २८ वर्षिय निरज र २५ वर्षिय सन्तोषले सन् २०१७ मा अफरिङ ह्यापिनेस सञ्चालनमा ल्याएका थिए ।

उक्त सूचीमा पर्न सफल अर्की युवा हुन्, ऐश्वर्य रानी सिंह । २८ वर्षिया सिंह सोसल इम्प्याक्ट विधाबाट यो सूचीमा परेकी हुन् ।

उनी महिनावारी स्वच्छतामा क्रियाशील संस्था पुतली नेपालको संस्थापक बोर्ड अध्यक्षसमेत हुन् । उक्त संस्थाले महिनावारीका बेलामा महिलाहरुलाई मेन्सुरल कप तथा प्याडको प्रयोगमा प्रोत्साहन गर्छ ।

गतवर्ष नेपालबाट दुईजना नेपाली उक्त सूचीमा परेका थिए । वित्तिय साक्षरता कार्यक्रम चलाइरहेका फिनलिट नेपालका संस्थापक प्रकाश कोइराला र पौडी खेलाडी गौरिका सिंह अघिल्लो वर्ष फोर्ब्सको प्रभावशाली सूचीमा परेका हुन् ।

काठमाडौं । काठमाडौं महानगरमा नेकपा एकीकृत समाजवादीले एउटा वडा जितेको छ । महानगरको वडा नम्बर १५ मा कांग्रेसका उम्मेदवारलाई पराजित गर्दै ईश्वरमान डंगोल निर्वाचित भएका हुन् ।

डंगोलले कांग्रेसका उम्मेदवार जीवन डंगोललाई फराकिलो अन्तरले पराजित गरे । निर्वाचित डंगोलले तीन हजार ४७६ मत ल्याए ।

कांग्रेस उम्मेदवार जीवन डंगोलले एक हजार ५७२ मत ल्याए । एमालेबाट उम्मेदवार बनेका पूर्णकाजी डंगोलले एक हजार ३९३ मत ल्याए ।

ईश्वरमान ०७४ सालको निर्वाचनमा नेकपा एमालेबाट वडाध्यक्षमा निर्वाचित भएका थिए ।

काठमाडौं । नेपाल विद्युत् प्राधिकरणले थ्री–फेज विद्युत लाइनको लागि अनलाइनबाटै निवेदन दिन सकिने व्यवस्था गरेको छ ।

यसअघि आफ्नो नजिकको वितरण कार्यालयमा गएर निवेदन बुझाउनुपर्नेमा अब भने अनलाइनबाटै आवेदन दिन सकिने व्यवस्था गरिएको प्राधिकरणले जनाएको छ ।

केहि समय पहिलेदेखि नै परिक्षणका रुपमा सुरु गरिएको थियो। उक्त परिक्षण सफल भएपछि देशब्यापी अनलाइन प्रणाली सुरु अनिवार्य गरिएको प्राधिकरणले जनाएको छ ।

घर वा व्यवसायिक भवनमा धेरै विद्युत् खपत् गर्ने अवस्थामा थ्री फेज लाइन आवश्यक पर्छ ।

अनलाइन आवेदन दिने ग्राहकहरुले आवेदन कारबाही कुन अवस्थामा रहेको छ, पेस भएका कागजातहरु पर्याप्त छन्र छैनन् । लगायत आवेदन स्वीकृति आदिको जानकारी समेत अनलाइनबाटै लिन सकिन्छ।

अनलाइन आवेदन दिएपछि सेवाग्राहीलाई दर्ता नम्बरसहितको एसएमएस आउँछ। दर्ता नम्बरका आधारमा ‘अलरेडी रजिष्टर्ड’ अप्सनमा गएर आफ्नो फाइल ट्रयाक गर्न सकिने प्राधिकरणले जनाएको छ।

सबै विवरण ठिक भए त्यसको जानकारी आउँछ भने विवरण वा कागजात नमिले पुनस् समिटको अनुरोध सहितको एसएमएस आउँछ।

कुनै कारणले दिन नसकिने भए त्यसको जानकारी समेत सेवाग्राहीलाइ दिइनेछ। भने हार्ड कपी लिएर आवेदन दिन जानेहरुको समेत प्राधिकरणका कर्मचारीले अनलाइन आवेदन भरिदिनेछन्।

विद्युतीय सवारीको बिक्री बढेसँगै घरघरमा चार्जिङ स्टेशन राख्ने क्रम समेत बढेको छ । घरमा लिफ्ट प्रयोग गर्न, चार्जिङ स्टेशन जडानको लागि प्राधिकरणसँग थ्री फेज लाइन माग्ने ग्राहकको संख्या पनि बढेको छ ।

काठमाडौं । प्रमुख प्रतिपक्षी नेकपा एमालेका अध्यक्ष केपी शर्मा ओलीले वर्तमान गठबन्धन सरकारले अर्थतन्त्रलाई तहसनहस बनाएको आरोप लगाएका छन्।

सरकारको नीति तथा कार्यक्रमबारे बिहीबार बसेको संसद बैठकमा आफ्ना कुरा राख्दै उनले यस्तो बताएका हुन्।

उनले एक हप्तामा दुईपटक पेट्रोलियम पदार्थमा मूल्यवृद्धि गरिएको बताउँदै समायोजन गर्ने नीति कहाँ गएको भन्दै प्रश्न गरे ।

‘यो गठबन्धन सरकारले जनतालाई चर्को मूल्यवृद्धिको मारमा पारेको छु, उनले भने, ‘अर्थतन्त्रलाई तहसनहस बनाएको छ। यो म्यादी सरकारले मनपरी मूल्य बढाएर जनतालाई सताएको छ।’

ओलीले मतदान सकिएको एक दिन नबित्दै पेट्रोलियम पदार्थमा मूल्यबृद्धि गराएको बताए ।

‘३० गते भोट खसाल्ने बेलासम्म चुप लागेर बस्ने, भोलिपल्टै मूल्यबृद्धिको डण्डाले हानिदिने ?’ ओलीले भने, ‘त्यो पनि एक हप्ताभित्रै अर्को डण्डाले हानियो ।

पेट्रोलियम पर्दामा भएको मूल्यबृद्धिको असर सबै क्षेत्रमा पर्छ । पेट्रोलियम पदार्थको मूल्य बढ्नेबित्तिकै हरेक बस्तुको मूल्य स्वभाविक रुपमा बढ्छ ।’

काठमाडौं । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले सत्ता गठबन्धनलाई जनताले भोट नहाले देश दुर्घटनामा जान्छ भनेर धम्काएपछि जितेको बताएका छन् ।

बिहीबार प्रतिनिधिसभामा सरकारको वार्षिक नीति तथा कार्यक्रममाथिको छलफलका क्रममा उनले यस्तो बताएका हुन् ।

उनले प्रचण्डले चितवनमा सत्ता गठबन्धन विजयी नभए देश दुर्घटनामा जाने भन्दै दिएको अभिव्यक्ति मतदातालाई धम्याउने कार्य भएको बताए ।

‘चुनावमा यदि जनताले भोट नहाले देश दुर्घटनामा जान्छ भनेर धम्काए’ ओलीले भने ‘त्यहाँका मान्छेले द्वन्द्वकाल सम्झिए, त्यही चितवनमा बोरामा हालेर मान्छे फालेको सम्झिए । अनि विदेश गएको सम्झिएर जनताले थरथर काँपेर भोट हाले ।’

काठमाडौं । नेकपा माओवादी केन्द्रले स्थानीय तह निर्वाचनमा उठेर जितेका जनप्रतिनिधिलाई गर्न हुने र नहुने कामबारे प्रशिक्षण दिने भएको छ । प्रशिक्षण कार्यक्रम जेठ १८ र १९ मा काठमाडौंमा राखिएको छ । यस कार्यक्रममा स्थानीय तहका प्रमुख, उपप्रमुख, अध्यक्ष र उपाध्यक्षलाई आमन्त्रण गरिएको छ । जिल्ला समन्वय समिति गठन भएको अवस्थामा जिससका प्रमुख र उपप्रमुख समेत कार्यक्रममा सहभागी हुन सक्ने छन् ।

उनीहरुलाई अध्यक्ष पुष्पकमल दाहाल ‘प्रचण्ड’, शीर्ष नेता र विभिन्न क्षेत्रका विज्ञले प्रशिक्षण दिने बताइएको छ । पार्टीका तर्फबाट निर्वाचित जनप्रतिनिधिलाई जनताका पक्षमा जिम्मेवारीका साथ प्रस्तुत हुन निर्देशन दिनेछ । यसै समयमा जनप्रतिनिधिले गर्न हुने र नहुने कामसम्बन्धी निर्देशिका समेत जनप्रतिनिधिलाई दिइने छ । माओवादी स्थानीय तहमा तेस्रो पार्टी बनेको छ । अघिल्लो निर्वाचनको तुलनामा यस पटक उसको स्थानीय तह जितको संख्या बढेको छ ।