काठमाडौं । काठमाडौं महानगरपालिकामा मतगणना जारी छ।
काठमाडौं महानगरपालिकाको मेयरमा स्वतन्त्र उम्मेदवार बालेन शाहले फराकिलो अग्रतालाई कायमै राखेका छन् ।
एक लाख ३५ हजार ६९३ मत गन्दा स्वतन्त्र उम्मेदवार बालेन्द्र शाह (बालेन)ले ४६ हजार ४७६ मत प्राप्त गर्दै पहिलो स्थानमा छन् ।
नेपाली कांग्रेसकी उमेदवार सिर्जना सिंहले २७ हजार ७९९ मत प्राप्त गर्दै दोस्रो स्थानमा छिन् । नेकपा एमालेका केशव स्थापित २६ हजार ८६१ मतसहित तेस्रो स्थानमा छन् ।
काठमाडौं । शेयर बजारमा दोहोरो अंकको गिरावट आएको छ । साताको कारोबारको पहिलो दिन शेयर बजार मापक सूचक नेप्से ३४.२१ अंकले घटेर २२००.८८ विन्दुमा झरेको छ ।
नेपाल स्टक एक्सचेन्जका अनुसार सोमवार २२४कम्पनीको १ अर्ब ३६ करोड ९५ लाख १३ हजार १९१ रुपैयाँ बराबरको ३९ लाख १७ हजार ६५५ कित्ता शेयर किनबेच भएका छन् ।
अघिल्लो दिनको तुलनामा कारोबार रकम बढेको छ । शुक्रवार ९३ करोड २२ लाख ६ हजार ८४ रुपैयाँ बराबरको कारोबार भएको थियो ।
आज कारोबारमा आएका १३ समूहको परिसूचक राताम्मे भएको छ । जीवन बीमा समूह सबैभन्दा धेरै २.६२ प्रतिशतले घटेको छ । त्यस्तै, होटल, हाइड्रोपावर र फाइनान्स समूह पनि २ प्रतिशतभन्दा धेरैले घटेको छ ।
उच्च अंकले घटेको बजारमा आज मिथिला लघुवित्तको शेयर मूल्य सबैभन्दा धेरै ५.८९ प्रतिशतले घटेको छ । त्यसैगरी, वीन नेपनल लघुवित्त ५.८७, तेह्रथुम पावर, प्रभु इन्स्योरेन्स र लाइफ इन्स्योरेन्स कर्पोरेसनको शेयर मूल्य ५ प्रतिशतले घटेको छ ।
त्यस्तै, युनाइटेड इन्स्योरेन्स, एनएलजी इन्स्योरेन्स, सूर्य लाइफ इन्स्योरेन्स, सिद्धार्थ इन्स्योरेन्स र हिमालयन ऊर्जा कम्पनीका शेयरधनीले साढे ४ प्रतिशत गुमाएका छन् ।
घट्दो बजारमा आज गुँरास लघुवित्तका शेयरधनीले भने सबैभन्दा धेरै ६.२० प्रतिशत कमाएका छन् ।
आज नबिल बैंकको सर्वाधिक कारोबार भएको छ । यसको ४ करोड रुपैयाँ बढीकोे शेयर किनबेच भएको छ । त्यसैगरी, अरुण भ्याली हाइड्रोपावर पौने ४ करोड र नेपाल लाइफ साढे ३ करोड बढीको कारोबार हुँदै शीर्ष तीनमा रहे ।
तेहरान । कडा सुरक्षाका बीच निकै शक्तिशाली मानिने इरानको रेभलूशनरी गार्ड्सका एक कर्णेलको राजधानी तेहरानमा हत्या भएको छ । बीबीसीका अनुसार मोटरसाइकलमा सवार दुई व्यक्तिले आफ्नो निवासअगाडि कारमा रहेका सय्यद खोदाइमाथि पाँच पटक गोली प्रहार गरेको थिए । हत्याको हालसम्म कुनै पनि समूहले जिम्मेवारी लिएको छैन। इरानले भने अमेरिका र उसका साझेदार राष्ट्रहरूले हत्या गरेको आरोप लगाएको छ।
आइतवार भएको उक्त घटनामा संलग्न भएकाहरूको खोजी भइरहेको छ। बीबीसीका मध्यपूर्वी क्षेत्रीय सम्पादकका अनुसार यो सन् २०२० मा इरानमा एकजना वरिष्ठ परमाणु ऊर्जा वैज्ञानिकको हत्यापछि भएको सबैभन्दा ठूलो सुरक्षा त्रुटि हो। घटनास्थलका तस्बिरमा रगताम्य व्यक्ति सिटबेल्टसहित कारमा रहेको देखिन्छ। कर्णेल खोदाइ रेभलूशनरी गार्ड्स अन्तर्गत गोप्य रूपमा काम गर्ने सैन्य निकाय कूड्स फोर्सका वरिष्ठ सदस्य थिए। अमेरिकाले उक्त सैन्य बलले आतङ्कवादी समूहलाई समर्थन गरेको र मध्यपूर्वमा भएका आक्रमणमा उसको हात रहेको आरोप लगाउँदै आएको छ।
पछिल्ला वर्षहरूमा मारिने कूड्स फोर्सका खोदाइ दोस्रो वरिष्ठ अधिकारी हुन्। सन् २०२० मा इरानका सबैभन्दा शक्तिशाली कमान्डर कासिम सुलेमानी अमेरिकी हवाई हमलामा मारिएका थिए। सन् २०२० मै परमाणु ऊर्जासम्बन्धी वरिष्ठ वैज्ञानिकको समेत तेहरानमा गोली हानेर हत्या गरिएको थियो। इरानका लागि निकै महत्त्वपूर्ण भूमिका निर्वाह गर्ने उनी सधैँ सुरक्षाकर्मीहरूसँगै हुन्थे।इरानका सञ्चारमाध्यमहरूले स्रोतलाई उद्धृत गर्दै उनी विश्वभरि इरानले गरेका कैयौँ आक्रमणका लागि जिम्मेवार रहेको जनाएका छन्।
म्यान्चेस्टर । खेलको ७६ औं मिनेटसम्म पछाडी रहेको अवस्थामा नाटकीय जित निकाल्दै म्यान्चेस्टर सिटीले यस सिजनको इंग्लिस प्रिमियर लिगको उपाधि जितेको छ। सिजनको अन्तिम खेलमा एस्टन भिल्लामाथि ३–२ गोलको रोमाञ्चक जित निकाल्दा सिटीले नसोजेको नतिजा देखायो । खेलमा सिटी २्–० गोलले पछि थियो । यस अवस्थामा खेल लिभरपुलको पक्षमा जाने सम्भावना थियो । तर, सिटीले उत्कृष्ट पुनरागमन गर्दै उपाधीमाथि कब्जा जमायो । सिटीका लागि गुन्डोआनले ७६ मिनेटमा पहिलो गोल गरे । रोद्रीले ७८ मिनेटमा बराबरी गोल फर्काए । ८१ मिनेटमा गुन्डोआनले व्यक्तिगत दोस्रो र टिमका लागि तेस्रो गोल गर्दै निर्णायक रुपमा उपाधी जिताए ।
लिभरपुल पनि वुल्भ्ससँगको खेलमा पछि परेको अवस्थामा पुनरागमन गर्दै दोस्रो स्थानमा रह्यो । वुल्भ्सका नेटोले तेस्रो मिनेटमा गोल गर्दै आफ्नो टिमलाई अग्रता दिलाएका थिए । लिभरपुलका लागि मानेले २४ मिनेट र सलाहले ८४ मिनेटमा गोल गरे। रोबर्टसनले ८९ मिनेटमा तेस्रो गोल गर्दै जित सुनिश्चित गरे । उपाधि जित्न लिभरपुल आफूले जित निकालेर मात्र पुग्दैन थियो, सिटीले बराबरी वा हार बेहोर्नु पर्ने थियो। अन्तिम खेलसँगै सिटीले ९३ अंक जोड्दा लिभरपुलले ९२ अंक जोड्न सक्यो । सिटीले पछिल्लो दश वर्षमा छैटौं पटक प्रिमियर लिगको उपाधि जितेको हो । लिगमा चेल्सी ७४ अंक जोड्दै तेस्रो र टोटेनहम ७१ अंकसहित चौथो स्थानमा रह्यो ।
काठमाडौं । स्थानीय तह निर्वाचन २०७९ मा एकै पटक ७५३ स्थानीय तहको निर्वाचन भएको थियो । सोमबार बिहानसम्म ७२६ स्थानीय तहको अन्तिम मतपरिणाम आउँदा २७ स्थानीय तहमा भने मतगणनोका काम जारी छ । यसमा दुई उपमहानगरपालिका र पाँच महानगरपालिका रहेका छन् । निर्वाचन आयोगका अनुसार १ महानगर, ९ वटा उपमहानगरसहित ७२६ स्थानीय तहको अन्तिम मत परिणाम सार्वजनिक भएको हो । कुल २७ मध्ये २ वटामा मतगणना सुरू नै भएको छैन।
अहिलेसम्म प्राप्त तथ्यांक अनुसार नेपाली कांग्रेसले पालिका प्रमुखदेखि सदस्यसम्म सबैभन्दा बढी पालिकामा जित हात पारि पहिलो स्थानमा छ । दोस्रोमा नेकपा एमाले र तेस्रोमा नेकपा माओवादी केन्द्र छ। प्रदेश १ बाट उदयपुरका दुई वटा पालिका, मधेश प्रदेशबाट रौतहटका ६, सिराहा, धनुषा, बारा र पर्साबाट १, १ पालिकाको अन्तिम नतिजा आउन बाँकी छ। बागमती प्रदेशबाट काठमाडौं महानगरपालिका, ललितपुर महानगरपालिका र भरतपुर महानगरपालिका बाँकी छन्।
गण्डकीबाट पोखरा महानगरपालिका बाँकी हुँदा लुम्बिनीबाट रूपन्देहीका ३ पालिका तिलोत्तमा, लुम्बिनी सांस्कृतिक र कोटहीमाई गाउँपालिकाको अन्तिम मत परिणाम आउन बाँकी छ। कपिलबस्तुबाट महाराजगन्ज नगरपालिका र दाङबाट तुलसीपुर उपमहानगरपालिकामा अन्तिम परिणाम आउन बाँकी छ। सुदूर पश्चिम प्रदेशबाट बाजुराको बुढी गंगा, अछामको साफेबगर नगरपालिकामा अन्तिम परिणाम आइसकेको छैन ।
काठमाडौं । स्थानीय तह निर्वाचन २०७९ को अन्तिम मत परिणाम आउने क्रम जारी रहँदा ५ महानगरपालिकामा भने गणना जारी छ । एक महानगरपालिकाको नतिजा आइसकेको छ । ७५३ रहेको पालिकामा हालसम्म ७२६ पालिकाको अन्तिम नतिजा आएको छ । ६ महानगरमध्ये विराटनगर महानगरपालिकामा कांग्रेस विजयी भएको छ । बाँकी ५ महानगरपालिकामा समेत मत गणनाका हिसावले एमालेले जित्ने सम्भावना करीव अन्त्य जस्तै भएको छ ।
ललितपुर, पोखरा, भरतपुर र वीरगन्जमा सत्ता गठबन्धनका उम्मेदवार अगाडि हुँदा काठमाडौंमा स्वतन्त्र उम्मेदवारको अग्रता छ । ११ उपमहानगरमध्ये ९ वटाको अन्तिम नतिजा आइसकेको छ। अब धनुषाको जनकपुरधाम र दाङको तुलसीपुर उपमहानगरमा अन्तिम नतिजा आउन बाँकी छ। जनकपुरमा स्वतन्त्र उम्मेदवार अगाडि हुँदा तुलसीपुरमा एमालेका उम्मेदवारको अग्रता छ।
काठमाडौं महानगरपालिकामा स्वतन्त्रबाट बालेन शाहले ४३ हजार ८५० मत ल्याउँदा कांग्रेसकी सिर्जना सिंहको २५ हजार ९४४ र एमालेका केशव स्थापितको २५ हजार ०५९ मत आएको छ । यहाँ उपमेयर भने नेकपा एमालेले जित्ने निश्चित भएको छ । ललितपुर महानगरपालिकामा कांग्रेसका चिरीबाबु महर्जन ३५ हजार ७०३ मत सहित अगाडी छन् । उनलाई एमालेका हरिकृष्ण ब्यञ्जनकारले २० हजार ९४२ मतसहित पच्छ्याइरहेका छन् ।
भरतपुर महानगरपालिकामा माओवादीकी रेनु दाहाल ४३ हजार ४८४ मतसहित अगाडी छिन् । एमालेका विजय सुवेदी ३३ हजार ६१२ मतसहित दोस्रो स्थानमा छन् । वीरगन्ज महानगरपालिकामा जसपाका राजेशमान सिंह ३८ हजार ४३७ मतसहित अगाडी छन् । उनलाई एमालेका विजयकुमार सरावगीले मात्र १९ हजार ६७९ मतसहित पच्छ्याएका छन् । पोखरा महानगरपालिकामा समाजवादीका धनराज आचार्य ४७ हजार ९९२ मतसहित अग्रतामा छन् । उनलाई एमालेका कृष्णबहादुर थापाले ४४ हजार १३९ मतका साथ पच्छ्याएका छन् ।
काठमाडौं । नेपालमा पहिलो पटक अफ्रिकन स्वाइन फिभर रोग पुष्टी भएकोछ । काठमाडौंको कागेश्वरी मनोहरा क्षेत्रमा पालिएका बङगुरमा उच्च मृत्युदर देखा परेपछि चैतको अन्तिम साता नमुना संकलन गरिएको थियो । केन्द्रीय पशुपन्छी रोग अन्वेषण प्रयोगशाला र त्रिपुरेश्वरमा मलिकुर र सिरोलोजिकल विधिबाट परीक्षण गर्दा अफ्रिकन स्वाइन फिभर रोग प्रारम्भिक नतिजा प्राप्त भएको हो । नेपालमा पहिलो पटक संक्रमणको आशंका भएकाले रोग पुष्टि गर्न विश्व पशु स्वास्थ्य संगठन नमुना पठाइएकोमा २ जेठमा अफ्रिकन स्वाइन फिभर रोग पुष्टि भएको पशु सेवा विभागले जनाएको छ ।
पशु विभागबाट खटिएका प्राविधिक टोलीले प्रदेश सरकार र स्थानीय तहका पशु सेवासँग सम्बन्धित निकायसँग सहकार्यमा काठमाडौं कागेश्वरी मनहरा, कीर्तिपुर, चन्द्रगिरी, टोखा र दक्षिणकाली क्षेत्र, ललितपुरको गोदावरी क्षेत्र र भक्तपुरको चाँगुनारायण क्षेत्रमा संक्रमण फैलिएको र हालसम्म १०१९ सुँगुर बङगुर गरेको प्रतिवेदन आएको जनाएको छ ।
घरपालुवा सँगुर, बङ्गुर र जंगली बँदेल प्रजातिमा विषाणुको कारण लाग्ने अफ्रिकन स्वाइन फिभर रोग उच्च मृत्युदर भएकाले अति खतनाक महामारीजन्य सरूवा रोग हो । तर यो पशुबाट मानिसमा सर्दैन । यस रोग भएका जनावरमा उच्च ज्वरो (१०४ देखि १०७ डिग्री), कान पुच्छर, पेटको तल्लो भागको बाहिरी छाला रातो हुने, शरीरमा निलो धब्बा देखिने, खाना नखाने, बान्ता गर्ने छट्पटाउने जस्ता लक्षण देखिन्छन् ।
यस्ता लक्षण भएका सुँगर, बङ्गुर वा त्यसका पाठापाठी मासु वा रोगी पशुको सम्पर्कमा आएका वस्तु एक स्थानबाट अर्को स्थानमा लैजाँदा सजिलै संक्रमण फैलिने विभागले जनाएको छ । यस रोगविरुद्धको हालसम्म कुनै खोप उपलब्ध नभएकाले कुनै पनि स्थानमा अस्वाभाविक रुपमा सुँगर, बङगुर मरेमा तत्काल संघ, प्रदेश र स्थानीय तहमा रहेका पशु सेवासँग सम्बन्धित निकायलाई खबर गर्ने विभागले आग्रह गरेको छ ।
काठमाडौं । नेपाल आयल निगमले इन्धनको मूल्यमा भारी वृद्धि गरेको छ । निगमले खाना पकाउने ग्याँससहित पेट्रोल, डिजेल र मट्टितेलको मूल्य बढेको हो । ग्याँसमा प्रतिसिलिण्डर २ सय रुपैयाँ बढेको छ । अन्य इन्धनमा भने प्रतिलिटर १० रुपैयाँका दरले मूल्य बढेको छ । अब काठमाडौं उपत्यकामा पेट्रोलको मूल्य प्रतिलिटर १८० रुपैयाँ तथा डिजेल र मट्टितेलको मूल्य १६३ रुपैयाँ पर्ने भएको छ ।
त्यस्तै खाना पकाउने ग्यासको मूल्य प्रतिसिलिण्डर २ सय बढ्दा ग्यासको भाउ प्रतिसिलिण्डर १८ सय पुगेको छ । आयल निगमले नोक्सानी बढेको भन्दै इन्धनको मूल्य बढाएको बताएको छ । बढेको मूल्य आजै राती १२ बजेदेखि लागू हुने भएको छ । यसरी मूल्य बढाउँदा समेत निगमलाई १५ दिनमा ३ अर्ब ३५ करोड घाटा हुने दावि गरिएको छ ।
काठमाडौं । संसदीय सुनुवाइ समितिबाट बंगलादेश, म्यानमार र ओमानका लागि सरकारद्वारा प्रस्तावित राजदूतको नाम अनुमोदन भएको छ । आइतबार सिंहदरवारमा बसेको समितिको बैठकले बंगलादेशका लागि प्रस्तावित घनश्याम भण्डारी, म्यानमारका लागि प्रस्तावित हरिश्चन्द्र घिमिरे र ओमानका लागि प्रस्तावित डोरनाथ अर्यालको नाम अनुमोदन गरेको हो ।
आइतबारको बैठकमा बंगलादेशका लागि प्रस्तावित राजदूत भण्डारीले आफ्नो कार्यकालमा बंगलादेशमा छात्रवृत्तिमा अध्ययनरत नेपालीको संख्या बढाउने र त्यहाँ देखिएका नेपालीहरुको समस्या समाधान गर्ने प्रतिवद्धता व्यक्त गरे ।
म्यानमारका लागि प्रस्तावित नेपाली राजदूत हरिश्चन्द्र घिमिरेले नेपाल पर्यटन बोर्ड र लुम्बिनी विकास कोष र अन्य सरोकारवाला निकायसँग समन्वय गरी लुम्बिनी जाऔँ, भिजिट लुम्बिनी अभियानको रुपमा सञ्चालन गर्ने योजना सुनाए । ओमानका लागि प्रस्तावित नेपाली राजदूत डोरनाथ अर्यालले नेपाल र ओमान सरकारबीच भएका सम्झौता कार्यान्वयन गर्न पहल गर्ने योजना सुनाएका छन् ।
काठमाडौं । नेपालका चर्चित फुटबलर रोहित चन्द इन्डोनेसियन क्लब पेरिसिक केडिरीमा आवद्ध भएका छन् । क्लबले आइतबार यसको पुष्टी गरेको हो । सामाजिक सञ्जालमा ‘हाम्रो हिमालयन टाइगर’ भन्दै क्लवले रोहितको तस्वीर राखेको छ । रोहितले शनिबार ईन्डोनेसियाको अर्को क्लव पर्सिजा जाकार्ता छाडेको क्लवले जनाएको थियो । सो क्लवमा उनले सन् २०१७ यता निरन्तर खेलेका थिए ।
त्यसअगाडी समेत उनी सन् २०१३ देखि २०१५ सम्म पर्सिजाबाटै खेलेका थिए । यस सिजनमा पर्सिजा आठौं स्थान र पेरिसिक केडिरी ११ औं स्थानमा रहेर लीग सकाएका छन् । रोहितले पर्सिजाबाट लिगसहित चार उपाधि जिते । उनी सन् २०१८ मा सिजन लिगको सर्वोत्कृष्ट खेलाडीसमेत बनेका थिए ।
काठमाडौं । काठमाडौं महानगरपालिकामा मतगणना जारी छ।
काठमाडौं महानगरपालिकाको मेयरमा स्वतन्त्र उम्मेदवार बालेन शाहले फराकिलो अग्रतालाई कायमै राखेका छन् ।
काठमाडौं महानगरपालिकामा मेयरमा दोस्रो स्थानमा रहेकी कांग्रेसकी सिर्जना सिंहले एमालेका केशव स्थापितलाई पछि पारेकी छन्।
१ लाख १६ हजार ८८५ गणनामा शाहले ४१ हजार २७९ मत ल्याएका छन्।
पछिल्लो मतगणनाअनुसार कांग्रेसका सिर्जना सिंहले एमालेका उम्मेदवार केशव स्थापितलाई उछिन्दै अगाडि बढेकी छन्। अद्यावधिक मतपरिणामअनुसार सिंहले २३ हजार ८५५ मत ल्याएकी छन्।
सिंहलाई बालेनले १७ हजार ४२४ मतले पछि पारेका छन्।
यस्तै स्थापितले २३ हजार २४ मत ल्याएका छन्। स्थापित र सिंहबीचको मतान्तर ८३१ छ।
काठमाडौँ । नेपालमा पछिल्लो २४ घण्टामा थप ६ जनामा कोरोना भाइरसको संक्रमण पुष्टि भएको छ। १ हजार ६९६ पीसीआर तथा ५३० एन्टिजेन परीक्षण गर्दा थप ६ जनामा कोरोना भाइरसको संक्रमण पुष्टि भएको स्वास्थ्य मन्त्रालयले जनाएको छ ।
पछिल्लो २४ घण्टामा कोरोनाबाट कसैको पनि मृत्यु नभएको स्वास्थ्य मन्त्रालयले जनाएको छ । हालसम्म कोरोनाबाट ज्यान गुमाउनेको संख्या ११ हजार ९५२ जना पुगेको छ ।आइतबार १३ जना कोरोना संक्रमणमुक्त भएका छन् भने हाल देशभर १४१ जना सक्रिय संक्रमित रहेका छन्।
काठमाडौं । धरान उपमहानगरपालिकाको प्रमुखमा स्वतन्त्र उम्मेदवार हर्कराज राई (हर्क साम्पाङ) निर्वाचित भएका छन् ।
राईले २० हजार ८२१ मत प्राप्त गर्दा निकटतम प्रतिस्पर्धी नेपाली कांग्रेसका उम्मेदवार किशोर राईले १६ हजार ५९ मत प्राप्त गरे ।
उपप्रमखमा नेकपा माओवादी केन्द्रका अइन्द्रबिक्रम बेघा निर्वाचित भएका छन् । बेघा २० हजार ५१० मत ल्याएर निर्वाचित हुँदा निकटतम प्रतिस्पर्धी नेकपा एमलेका पदमप्रसाद लिम्बुले १७ हजार ६०६ मत प्राप्त गरे ।
काठमाडौं । चितवनको भरतपुर महानगरपालिकामा सत्ता गठबन्धनबाट मेयरकी उम्मेदवार नेकपा माओवादी केन्द्रकी रेनु दाहालले अग्रता बढाउँदै लगेकी छन्।
अहिलेसम्म ९४ हजार २३२ मतगणना भएकोमा रेनुले ३७ हजार २७ मत ल्याएकी छन्। नेकपा एमालेका उम्मेदवार विजय सुवेदीले भने २८ हजार ९६८ मत ल्याएका छन्।दाहाल र सुवेदीबीचको मतान्तर ८ हजार ५९ छ। स्वतन्त्र उठेका जगन्नाथ पौडेलले १२ हजार २३३ मत ल्याएका छन्।
उपमेयरतर्फ पनि सत्ता गठबन्धनबाट कांग्रेसका उम्मेदवार चित्रसेन अधिकारी अगाडि छन्। उनले ३९ हजार १२९ मत ल्याएका छन्। एमाले–राप्रपा गठबन्धनबाट उपमेयर उम्मेदवार हिमला गुरूङले २२ हजार ९११ मत ल्याएकी छन्।
काठमाडौं । काठमाडौं महानगरपालिकामा मतगणना जारी छ। काठमाडौं महानगरपालिकाको मेयरमा स्वतन्त्र उम्मेदवार बालेन शाहले फराकिलो अग्रतालाई कायमै राखेका छन् ।
हालसम्म १ लाख १२ हजार १२७ मत गणना सकिएको छ । जारी मतगणना अनुसार महानगरको मेयरका लागि स्वतन्त्र उम्मेदवार बालेन्द्र शाह ९बालेन० ले ४० हजार मत कटाएका छन् । मुख्य निर्वाचन अधिकृतको कार्यालयका अनुसार बालेनले ४० हजार ३ मत पाएका छन्।
नेकपा एमालेका उम्मेदवार केशव स्थापितलाई पछि पार्दै गठबन्धनकी उम्मेदवार सिर्जना सिंह दोस्रो स्थानमा आएकी छन् । आइतबार दिउँसोसम्म सिंहले २२ हजार ७४९ मत पाएकी छन् भने स्थापितले २२ हजार ९५ मत सहित पछ्याइरहेका छन् । सिंहको बालेनसँगको मतान्तर भने १७ हजार २५४ रहेको छ ।
महानगरमा अब ८७ हजार मत गणना हुन बाँकी छ । महानगरको वडा नम्बर ९, १०, ११, १२ र २३, २४, २५ र २६ को मतगणना जारी छ।
काठमाडौं । काठमाडौं महानगरपालिकामा स्वतन्त्र उम्मेदवार बालेन्द्र साहको ४० हजार नजिक पुगेको छ । उनलाई नेपाली कांग्रेसकी उम्मेदवार सिर्जना सिंहले पच्छयएकी छिन् । एमाले उम्मेदवार केशव स्थापित तेस्रो स्थानमा छन् । आइतबार बिहानसम्मको तथ्यांक अनुसार सिर्जनाले २२ हजार ७२ मत पाउँदा एमाले उम्मेदवार केशव स्थापितले २१ हजार ५७१ मत पाएका छन् ।
सिर्जना र केशवको मत अन्तर ५०१ छ । स्वतन्त्र उम्मेदवार बालेन साह र सिंहबीचको मत अन्तर भने १६ हजार ९३४ छ । अझै करीव ९० हजार मत गन्न बाँकी छ ।
काठमाडौं । स्थानीय वायु र भारतको बिहार हुँदै पश्चिम बंगालको न्यून चापीय रेखा र पश्चिमी वायुको प्रभावका कारण देशैभर तीनदिनसम्म वर्षा हुने मौसम पुर्वनुमान महाशाखाले जनाएको छ । सामान्य देखि मध्यम सम्मको चट्याङसहित बर्षा हुने महाशाखाले विज्ञप्ती निकाल्दै जनाएको हो । देशको बागमती प्रदेश, गण्डकी प्रदेश, लुम्बिनी प्रदेश, कर्णाली र सुदुरपश्चिम प्रदेशमा पुर्ण बदली रही बढी वर्षा हुने जनाएको छ ।
आइतबार, सोमबार र मंगलबार पहाडी भू–भाग र देशका अधिकांस स्थानमा मेघ गर्जन र चट्याङ्ग हावा हुरी सहित हल्का देखि मध्यम वर्षा हुने छ। महाशाखाले बर्षासँगै आउने बाढी र हावाहुरीले क्षति पुर्याउने जनाउदै आवश्यक सतर्कता अपनाउन अनुरोध गरेको छ ।
धनगढी । धनगढी उपमहानगरपालिकाको मेयरमा स्वतन्त्र उम्मेदवार गोपाल हमाल विजयी भएका छन् । हमालले निवर्तमान मेयर कांग्रेसका नृपबहादुर ओडलाई झण्डै दोब्बर मत ल्याएर पराजित गरे । अघिल्लो निर्वाचनमा हमाल ओडसँग पराजित भएका थिए । हमालले ६३ हजार ७१५ मतमध्ये २६ हजार ८६५ मत ल्याए । निकटतम् प्रतिस्पर्धी ओडले १४ हजार ८१७ मत मात्रै पाए । तेस्रो भएका एमालेका रणबहादुर चन्दले ९ हजार ११५ मत ल्याए ।
२०७४ सालको स्थानीय तहको चुनावमा हमाल कांग्रेसका ओडसँग २७ सय मतान्तरले पराजित भएका थिए । तर यसपटकको चुनावमा कांग्रेसले माओवादी, एकीकृत समाजवादीको साथ पाउँदा पनि ओडले लज्जास्पद हार व्यहोरेका छन् । उपमेयरमा भने एमालेकी कन्दकला राना विजयी भएकी छन् । मतगणनाको सुरूआतदेखि अग्रता लिएकी माओवादी केन्द्रकी शान्ति अधिकारीलाई २८०९मतान्तरले पराजित गरेकी हुन् ।
रानाले १५ हजार ४७९ मत पाउँदा अधिकारीले १२ हजार ६७० मत मात्रै प्राप्त गरिन् । स्वतन्त्र उम्मेदवार प्रभाकर भण्डारीले ६६०९ मत ल्याइन् । १९ वटा वडा रहेको धनगढीमा कांग्रेसले ११ वटा वडा जितेको छ भने एमालेले ६ वटा र माओवादीले २ वटा वडा जितेको छ । वडानम्बर १,२,३,४,५,१४,१५,१७,१९,९ र १३ कांग्रेसले जितेको छ । एमालेले ७, ८, १०, ११, १२ र १८ र माओवादी केन्द्रले ६ र १६ नम्बर वडा जितेको छ ।
भरतपुर । चितवनको भरतपुर महानगरपालिकामा ८९ हजार ७७५ मत गणना भएको छ । यस क्रममा माओवादी केन्द्रकी मेयर उम्मेदवार रेनु दाहालले अग्रता ७ हजार कटाएकी छिन्. । आइतबार बिहानको मत परिणाम अनुसार रेनुले ३५ हजार २३० पाएकी छिन् । एमाले उम्मेदवार विजय सुवेदीले २७ हजार ७६५ मत पाएका छन् । उनीहरुबीचको मत अन्तर ७ हजार ४६५ छ । स्वतन्त्र उम्मेदवार जगन्नाथ पौडेलले ११ हजार ८५२ मत पाए ।
भरतपुरमा सत्ता गठबन्धनका दलहरु तालमेल गरेर चुनाव लडेका थिए । नेकपा एमाले र राप्रपाले पनि तालमेल गरेर उम्मेदवारी दिएका थिए । सत्ता गठबन्धनको तर्फबाट उपप्रमुख पदमा उम्मेदवार बनेका नेपाली कांग्रेसका चित्रसेन अधिकारी पनि फराकिलो मत अन्तरले अगाडि छन् । उनले राप्रपाकी उपप्रमुख उम्मेदवार हिमला गुरुङलाई १५ हजारभन्दा बढी मत अन्तरले पछाडि पारेका छन् ।
इटहरी । इटहरी उपमहानगरपालिकाको मेयरमा नेपाली कांग्रेसका हेमकर्ण पौडेल विजयी भएका छन् । गठबन्धनका तर्फबाट उम्मेदवार बनेका पौडेल एमालेका यामकुमार चुङ्गवाङलाई हराउँदै मेयर बनेका हुन् उनले ३३०४९ मत ल्याए । एमालेका यामकुमारले २८०३१ मत पाए । तेस्रो बनेका राप्रपाका आकाश हाङ्ग लिम्बुले ३९०८ मत पाए ।
उपमेयरमा भने एमालेकी संगीताकुमारी चौधरी निर्वाचित भएकी छन् । उनले नेकपा एकीकृत समाजवादीका केशवकुमार विष्टलाई पराजित गर्दै विजयी भएकी हुन् । चौधरीले ३२४३६ मत ल्याइन् भने विष्टले १८०३१ मत पाए । राप्रपाकी वविताकुमारी चौधरीले ४७१९ मत ल्याएकी छिन् ।
काठमाडौं । हेटौंडाबाट काठमाडौं आउँदै गरेको मिनी ट्रक दुर्घटनामा पर्दा ४ जनाको मृत्यु भएको छ । हेटौंडाबाट काठमाडौं जाँदै गरेको ना ४ च २३१५ नम्बरको मिनि ट्रक मकवानपुरको इन्द्रसरोवर गाउँपालिका २ सिमखोलामा दुर्घटनामा परेको हो । प्रहरीका अनुसार घाइते भएका ४ जनाको उपचारका क्रममा मृत्यु भएको हो ।
दुर्घटना तीव्र गतिका कारण भएको अनुमान प्रहरीले गरेको छ । गाडी सडकमा पल्टिएको थियो । यात्रु भने पुलमुनि सिमखोलामा खसेका थिए । दुर्घटनापछि उपचारका लागि पठाएकामध्ये ३ जनाको हेटौंडामा र एकको काठमाडौंमा मृत्यु भएको हो । मृतकको पहिचान भइसकेको छैन ।
भरतपुर । चितवनको भरतपुर महानगरपालिकामा नेकपा माओवादी केन्द्रकी उम्मेदवार रेनु दाहालले अग्रता ६ हजार ५ सय भन्दा माथि पु¥याएकी छिन् । शनिबार साँझसम्म ७९ हजार ९१० मत गनि सक्दा रेनुले ३१ हजार १२२ मत पाइन् । नेकपा एमालेका विजय सुवेदीले २४ हजार ५८२ मत ल्याएका छन् । स्वतन्त्र उम्मेदवार जगन्नाथ पौडेलको १० हजार ९७८ मत आएको छ ।
जगन्नाथले अपेक्षा भन्दा राम्रो मत पाएका छन् । उनले एमालेको भोट काट्दा रेनुलाई फाइदा भएको छ । उपमेयरमा नेपाली कांग्रेसका म्मेदवार चित्रसेन अधिकारी १४ हजार ४२७ मतसहित अगाडी छन् । उनले ३३ हजार ५३१ मत पाउँदा राप्रपाकी उम्मेदवार हिमला गुरुङले १९ हजार १०४ मत पाएकी छन् ।
सोल (बीबीसी) । दक्षिण कोरियामा झगडा गरेपछि त्यहाँ खटिएका अमेरिकी गुप्तचर सेवाका दुई कर्मचारीलाई विमानमा हालेर स्वदेश फिर्ता पठाइएको छ । उनीहरू अमेरिकी राष्ट्रपति जो बाइडनको दक्षिण कोरिया भ्रमणअघि सोल पठाइएको अगुवा टोलीका सदस्य थिए। अमेरिकी सञ्चारमाध्यमहरूमा प्रकाशित विवरणअनुसार उनीहरू बिहीवार राति सोलको मदिरालयमा गएका थिए। तीमध्ये एक जनाले एक स्थानीय ट्याक्सीचालकसँग हात हालाहाल गरेका थिए।
उक्त घटनामा कसैलाई पनि पक्राउ गरिएको थिएन। तर प्रहरीले उक्त घटनाबारे अनुसन्धान गरेको थियो। अमेरिकी गुप्तचर सेवा यूएस सिक्रिट सर्भिसका एक प्रवक्ताले एउटा विज्ञप्ति प्रकाशित गर्दै आफ्नो निकायलाई दुई कर्मचारी संलग्न उक्त घटनाबारे जानकारी रहेको र उनीहरूले सम्भवतः नीति उल्लङ्घन गरेको हुनसक्ने बताएका छन्। एन्थनी गूल्एल्मीका अनुसार ती दुवै जनालाई ूप्रशासनिक बिदाूमा पठाइएको छ र उनीहरूको अनुपस्थितिले बाइडनको भ्रमणमा कुनै प्रभाव पर्ने छैन।
चीन र उत्तर कोरियाले दिने धम्कीका कारण उत्पन्न चिन्ताका माझ बाडइन चारदिने एशिया भ्रमणमा निस्किएका छन्। उक्त भ्रमणको पहिलो चरणमा उनी दक्षिण कोरिया पुगेका हुन्। बीबीसीको अमेरिकी साझेदार सीबीएस न्यूजलाई स्रोतहरूले अमेरिका फिर्ता पठाइएका दुई गुप्तचरमध्ये एक जना स्पेशल एजेन्ट र अर्का सुरक्षा विशेषज्ञ भएको बताएका छन्।
अमेरिकी राष्ट्रपति दक्षिण कोरियाको राजधानी आइपुग्नु एक घण्टा पनि बाँकी नहुँदा शुक्रवार अपराह्ण उनीहरूलाई घर फिर्ता पठाइएको थियो। सीबीएसका अनुसार प्रशासनले घटनाका बारेमा नभई त्यतिबेला उनीहरू मातेका थिए कि थिएनन् भनेर छानबिन गर्ने छ। ट्याक्सीचालकसँग कसरी झगडा सुरु भयो भन्ने स्पष्ट छैन। उनीहरू राति घुमेर आफू बसेको होटलमा फर्किन लाग्दा झगडा परेको थियो।
काठमाडौं । आठ वर्षअघि काठमाडौंमा एक सौन्दर्य प्रतियोगिताका दौरान आफुमाथि आयोजकले बलात्कार गरेको भन्दै भिडियो सार्वजनिक भएपछि आरोपित मनोज पाण्डे पक्राउ परेका छन् । सन् २०१४ मा किशोरीलाई होटेलमा बलात्कार गरेको अभियोग ती युवतीले लगाएकी छिन् । पाण्डेलाई उपत्यका अपराध अनुसन्धान कार्यालयले स्वयम्भूबाट पक्राउ गरेको हो । प्रहरी स्रोतका अनुसार उनीमाथि शनिबार बिहानैबाट निगरानी बढाइएको थियो । अपरान्ह पक्राउ गरिएको हो ।
पाण्डे मोडल ग्लोबल भिसाज कन्सल्टेन्सीका सञ्चालक हुन् । सन् २०१४ मा मिस ग्लोबल इन्टरनेशनल नामक प्रतियोगिताका दौरान घटना भएको युवतीको आरोप छ । प्रतियोगिता सकिएपछि ‘सक्सेस पार्टी’ का लागि भन्दै बानेश्वरको एभरेष्ट होटलमा बोलाएर बलात्कार गरेको युवतीले सामाजिक संजालमार्फत बताएकी छिन् । पाण्डेले तस्वीर र भिडियो खिचेर ६ महिनासम्म ब्ल्याकमेल गर्दै जबरजस्ती करणी गरेको अभियोग लागेको छ ।
बुटवल । बुटवल उपमहानगरपालिकामा साढे दुई दशकपछि एमालेको विरासत अन्त्य भएको छ । यस उपमहानगरपालिकाको मेयरमा नेपाली कांग्रेसका उम्मेदवार खेलराज पाण्डेय ३० हजार १३० मतसहित विजयी भए । उनले निकटतम प्रतिद्वन्द्वी नेपाल कम्युनिस्ट पार्टी (एमाले) उम्मेदवार बाबुराम भट्टराई भन्दा ७ हजार ५३३ मत धेरै ल्याए । उपप्रमुखमा नेपाल कम्युनिस्ट पार्टी (एमाले)की उम्मेदवार सावित्रादेवी अर्याल २४,९०४ मतसहित विजयी भएकी छन् ।
उनका निकटतम प्रतिद्वन्द्वी नेपाल कम्युनिस्ट पार्टी (एकीकृत समाजवादी)का उम्मेदवार चीनबहादुर गुरुङले १६,९८० मत ल्याए । बुटवलमा ६३ हजार १७ मत खसेको थियो । कांग्रेससहितको ५ दलीय गठबन्धनको बलमा २५ वर्षपछि बुटबलमा कांग्रेसल आफ्नो झण्डा फहराउन सफल भयो । बुटवलका १९ मध्ये ११ वडा कांग्रेसले जितेको छ । एमाले ५ वडामा खुम्चिएको छ ।
स्वतन्त्र, गठबन्धनबाट रुख चिन्हमा चुनाव लडेका माओवादी केन्द्र र नेकपा एकीकृत समाजवादीले एक÷एक वडा जितेका छन् । २०७४ को चुनावमा प्रमुख, उपप्रमुखसहित १६ वडा एमालेले जितेको थियो । २०५४ देखि यहाँ एमाले हारेको थिएन । यो एमालेका प्रभावशाली नेता विष्णु पौडेलको क्षेत्र समेत हो ।
काठमाडौं । नेपाली राष्ट्रिय क्रिकेट टिमका बलिङ कोच धम्मिका प्रसादले अमेरिकाको भिसा नपाएको सामाजिक संजालमार्फत जनाएका छन् । श्रीलंकाको कोलम्बोस्थित अमेरिकी दूतावासले भिसा नदिएको उनले ट्वीट गर्दै बताएका हुन् । क्रिकेट विश्वकप लिग टू खेल्न नेपाल अमेरिका जाँदै छ ।
नेपाली क्रिकेट टिमको बलिङ कन्सलटेन्ट धम्मिका नेपाली टिमलाई बलिङको प्रशिक्षण दिन अमेरिका जाने तयारीमा थिए । तर उनलाई अमेरिकाले भिसा दिएको छैन । अमेरिकाको टेक्सास राज्यमा जुन ६ देखि १६ सम्म हुने क्रिकेट विश्वकप लिग टूमा नेपालले अमेरिका र ओमानसँग खेल्ने कार्यक्रम रहेको छ । धम्मिका प्रसाद श्रीलंकाका चर्चित क्रिकेटर हुन् ।
के लेखेका छन् प्रसादले ?
I’m stuck with @USEmbSL us visa, my team @CricketNep touring to usa playing with @usacricket for World Cup qualifiers I’m stuck to get my visa because of the current situation, playing first game on 6th and I have to be there before that, anyone can help me on this,
— Dhammika Prasad (@imDhammika) May 21, 2022
हेटौडा । सत्तारुढ गठबन्धनको बलमा हेटौंडा उपमहानगरपालिकामा एमालेको ३० वर्ष पुरानो गढ भत्किएको छ । हेटौडाको मेयरमा एकीकृत समाजवादीकी मिना लामा र उपमेयरमा कांग्रेसका राजेश बाँनिया विजयी भएसँगै एमालेको गढ भत्किएको हो ।लामाले एमालेका अनन्त पौडेल र बाँनियाले एमालेकै सुमित्रा काफ्लेलाई पराजित गरे । लामा २०७४ सालको निर्वाचनमा एमालेबाट हेटौंडाको उपमेयर बनेकी थिइन् ।
पार्टी विभाजन पछि उनी समाजवादीमा आएकी हुन् । लामालाई कांग्रेस, माओवादी र एकीकृत समाजवादीको गठबन्धनबाट साथ थियो । मेयरमा लामाले २३ हजार ७५ मत प्राप्त गरिन् । उनका प्रतिद्वन्द्वी एमालेका पौडेलले २० हजार ९ सय ८ मत पाए । उपमेयरमा बाँनियाले ३२ हजार ५ सय ९३ मत पाए । उनका निकटतम प्रतिद्वन्द्वी एमालेकी सुमित्रा काफ्लेले २३ हजार ९ सय ९ मत पाइन् ।
हेटौंडा उपमहानगरपालिकामा ७३ हजार ४ सय १४ मत खसेको थियो । हेटौडामा २०४९ सालदेखि एमालेले विजय हाँसिल गर्दै आएको थियो । २०७४ मा भएको निर्वाचनमा हेटौंडाको मेयर, उपमेयरसहित १२ वडामा एमाले विजयी भएको थियो । यस निर्वाचनमा एमालेले मात्र ९ वडाध्यक्ष मात्र जित्न सक्यो । अघिल्लो निर्वाचनमा ५ वटा वडाध्यक्ष जितेको कांग्रेसले ८ वडामा जित निकाल्यो । एकीकृत समाजवादी र माओवादी केन्द्रले एक, एक वडामा जिते ।
काठमाडौं (बीबीसी) । रुसले महिनौँदेखि युक्रेनी बन्दरगाह सहर मारिऊपोलमाथि विजय हासिल गर्ने आफ्नो प्रयास सफल भएको दाबी गरेको छ। उसले त्यहाँ रहेको आजोभ्स्टाल स्टील उद्योगको रक्षा गरिरहेका बाँकी सैनिकहरूले आत्मसमर्पण गरेको जनाएको छ। महिनौँसम्म उक्त विशाल औद्योगिक क्षेत्रमा रहेका युक्रेनी लडाकुहरूले रुसलाई सो सहरमाथि पूर्ण रूपमा नियन्त्रण कायम गर्न रोकिरहेका थिए। शुक्रवार युक्रेनी फौज पछि हटेसँगै मारिऊपोलमा ठूलो क्षति हुनेगरी भएको सबैभन्दा डरलाग्दो घेराबन्दी पनि समाप्त भएको छ।
रुसी रक्षा मन्त्रालयका अनुसार ५३१ युक्रेनी लडाकुहरू त्यहाँबाट हटेपछि मारिऊपोल र सो स्टील उद्योग अहिले पूर्णतः मुक्त भएका छन्। ‘लडाकुहरू लुकिरहेको उक्त उद्योगका भूमिगत क्षेत्रहरू पनि रुसी सशस्त्र बलको पूर्ण नियन्त्रणमा आएको छ,’ एउटा विज्ञप्तिमा रुस सरकारले भनेको छ। युक्रेनी राष्ट्रपति भोलोदिमिर जेलेन्स्कीले त्यहाँ खटेका अन्तिम सुरक्षाकर्मीहरूलाई उक्त स्थान छाड्न आदेश दिइएको बताए।
शुक्रवार एउटा टेलिभिजन च्यानलसँग कुरा गर्दै उनले भने, ‘आज सैनिक कमान्डबाट उनीहरूलाई स्पष्ट सन्देश दिइयो कि उनीहरूले त्यहाँबाट बाहिर निस्किन र आफ्नो ज्यान जोगाउन सक्छन्।’ हप्तौँसम्म आजोभ्स्टाल क्षेत्र पूरै घेराबन्दीमा रहँदै आएको थियो। रुसी सैनिकहरूले त्यस क्षेत्रमा सबै मानवीय सहायतालाई अवरोध पुर्याउँदै त्यहाँ गोलाबारी गर्दै आएका थिए।
उनीहरूले त्यहाँ सुरक्षार्थ खटिएका युक्रेनी फौजलाई आत्मसमर्पण गर्न भनिरहेका थिए। उक्त क्षेत्रमा फस्नेमध्ये कैयौँ गैरसैनिक नागरिक थिए। तीमध्ये महिला, बालबालिका र ज्येष्ठ नागरिक पनि पर्छन्। यसै महिना हप्तौँसम्म राष्ट्रसङ्घ र रेडक्रसको संयोजनमा चलेको कठिन वार्तापछि उनीहरूलाई उद्धार गरिएको थियो। तर युक्रेनी सुरक्षाफौजका सदस्यले आत्मसमर्पण गर्न नमान्दा रुसले उक्त रणनीतिक बन्दरगाह सहरमा पूर्ण नियन्त्रण भने कायम गर्न सकेको थिएन। धेरै युक्रेनीहरूले आजोभ्स्टालमा खटिएका रक्षकहरूलाई रुसी आक्रमणको सशक्त सामना गरिरहेका ूराष्ट्रनायकूका रूपमा लिएका थिए।
काठमाडौं । ११ वटा उपमहानगरपालिकामध्ये ५ वटा नगरपालिकाको नतिजा आएको छ । हेटौँडा, नेपालगञ्ज, घोराही, कलैया र जितपुर सिमराको नतिजा सार्वजनिक भएको छ । हेटौँडाको मेयरमा एकीकृत समाजवादी र उपमेयरमा नेपाली कांग्रेस, नेपालगञ्जको मेयरमा कांग्रेस र उपमेयरमा जसपा, कलैयामा मेयर र उपमेयर दुवैमा एमाले, दाङको घोराहीमा पनि मेयर र उपमेयरमा एमाले तथा बाराको जितपुर सिमरामा मेयरमा माओवादी र उपमेयरमा एमाले विजयी भएका छन् ।
बुटवलमा मेयरमा कांग्रेस र उपमेयरमा एमाले, इटहरीमा मेयरमा कांग्रेस र उपमेयरमा एमाले, धरानमा मेयरमा स्वतन्त्र र उपमेयरमा माओवादी, धनगढीमा मेयरमा स्वतन्त्र र उपमेयरमा माओवादी, तुलसीपुरमा मेयर र उपमेयरमा एमाले, जनकपुरधाममा मेयरमा स्वतन्त्र र उपमेयरमा कांग्रेस अगाडी छिन् ।
काठमाडौं । एक महानगरपालिकासहित देशभर ६८३ स्थानयि तहको नतिजा सार्वजनिक भएको छ । शनिबार बिहानसम्म मोरङको विराटनगर महानगरपालिकासहित देशभरका ६८३ स्थानको परिणाम सार्वजनिक भएको छ । वैशाख ३० मा ७५३ स्थानीय तहमा एकै पटक स्थानीय तहको निर्वाचन भएको हो । परिणामअनुसार ३०४ स्थान जितेर कांग्रेस पहिलो स्थानमा छ । दोस्रोमा रहेको एमालेले १८६, माओवादी केन्द्रले ११६ पालिका प्रमुख जितेको छ । जनता समाजवादी पार्टीले २३, नेकपा एकीकृत समाजवादीले १७ र लोकतान्त्रिक समाजवादी पार्टीले १० स्थानमा जित हात पारेको छ ।
राप्रपा, नेपाल लोकतान्त्रिक पार्टी, नागरिक उन्मुक्ति पार्टी, जनमत पार्टीलगायतले २७ स्थानमा जितेका छन् । मतगणनामा प्रमुखतर्फ कांग्रेस १९, एमाले १७, माओवादी ७, जसपा ११, एकीकृत समाजवादी २, लोसपा ६ र अन्य दलले ५ स्थानमा अग्रता लिएको आंकडा छ । उपप्रमुखतर्फ कांग्रेस २७९, एमाले २१२, माओवादी १२०, जसपा २५, एकीकृत समाजवादी २१, लोसपा ९ र अन्यले १७ पालिकामा जितेका छन् । काठमाडौं, भरतपुर, पोखरासहित ५ महानगर र ६५ गाउँपालिकाको परिणाम बाँकी छ ।